FR: Asimov diskvalifikaciya qilingan

"16-tur doirasida Qarshida o'tgan uchrashuvning 84-daqiqasida bahsli vaziyat sodir bo'lgandi. Aniqroq aytsak, "Nasaf" futbolchilari Anzur Ismoilov to'pni o'z jarima maydoni ichida qo'l bilan o'ynaganini davo qilishgan. 

O'sha epizodda SHavkat Rahmatov (laynsmen) qoidaga zid harakat borligini ifodalaganidan keyin Aziz Asimov 11 metrli nuqtani ko'rsatdi. Vaziyatga VAR aralashib, Ilya Ilin bosh hakam monitor yoniga chaqirdi. Epizodni takror ko'rish jarayonida VAR xonasidagi hamkasbi bilan jiddiy tarzda bahslashgan referi penaltini bekor qilib, o'yinni davom ettirdi.

Bu to'g'ri qaror edi. Yani, o'yin natijasiga tasir qiladigan jiddiy xatoning oldi olindi. Ammo Aziz Asimov mana shu bahsdan keyin 3 ta turga diskvalifikaciya qilingan. 

CHetlatishning sababi to'g'risida izoh so'raganimizda O'zFHM toshkentlik arbitr VAR yo'riqnomasiga amal qilmagani uchun jazolanganini bildirdi. Qoidaga ko'ra, Asimov o'sha epizodda qanot hakamining ifodasi bilan penalti belgilashga shoshilmasligi, VAR xonasidagi hamkasbini eshitganidan keyingina nuqtani ko'rsatishi kerak ekan. 

Xullas, Qarshida o'yin natijasiga tasir qiladigan hech qanday xato bo'lmagan. FIFA referisi VAR yo'riqnomasidan chetga chiqqani uchungina 3 ta turni o'tkazib yuboradi. 

SHuningdek, bosh hakamga yuqori baho qo'ygan Baxtiyor Tog'aev 4 ta turga chetlatilgan", — deyiladi "futbol ANALIZI" kanalida.

Bu o'yindan keyin hech qaysi tomon hakamlar bo'yicha tegishli tartibda protest yozmaganini alohida takidlash kerak. Holatni tegishli qo'mita mustaqil ravishda o'rganib, qaror chiqargan.