FIFA Rossiya va Ukraina uchun transfer oynasini ochadi

Bu haqda Butunrossiya futbolchilar kasaba uyushmasi bosh direktori Aleksandr Zotov malum qildi.

- Mendagi malumotlarga ko'ra, FIFA Rossiya va Ukraina chempionatlarida to'p surayotgan xorijliklarga 2022 yilning iyunigacha mehnat shartnomasini to'xtatishga ruxsat beradi va maxsus transfer oynasini ochadi.

Xorij klublari iyun oyigacha ko'pi bilan ikki nafar futbolchi bilan shartnoma imzolashi mumkin.

Unga ko'ra, transfer oynasi vaqtida shartnomalar to'xtatilishi va boshqa jamoaga o'tkazilishi mumkin.

Ammo iyun oyidan boshlab boshqa jamoaga o'tmagan futbolchi yana sobiq klubi azosi hisoblanadi.