Fevzi Davletov: "Paxtakor" bilan o'tgan og'ir o'yindagi charchoq sezilib turdi"

O'yin haqida

- Qiyin o'tgan o'yinda mag'lub bo'ldik. "Navbahor" ochko uchun jiddiy kurashishini bilgandik. Tayyorgarlik jarayonini shunga qarab amalga oshirdik. Biroq, o'yinning borishi biz kutganchalik bo'lmadi. Birinchi bo'limda gol o'tkazib yuborganimizdan so'ng tanaffusdan so'ng o'yinni kuchaytirish rejamiz bor edi. Ikkinchi bo'limda o'zgarishlarga qo'l urdik, vaziyatlar yaratdik, biroq foydalana olmadik. "Paxtakor" bilan o'tgan og'ir o'yindagi charchoq bugun ham sezilib turdi.

- Jamoa qisqa fursat ichida O'zbekiston kubogi yarim finalida "Andijon" bilan o'ynaydi. Ayni damda futbolchilarning tiklanib olishlari uchun vaqt etarlimi?

- Albatta, hozir bizda yarim final o'yiniga qadar juda oz vaqt qoldi. Biroq, biz bu uchrashuvning ahamiyati qanday ekanini tushunib turibmiz. Jismonan va ruhan charchoqlar bor, biroq biz bularni engib o'ta olishimiz kerak.

- Dilshod Yo'ldoshev va Davron Merganovlarning holatlari haqida aytib o'tsangiz...

- Dilshod Yo'ldoshev sentyabr oyida safimizga qaytadi. Davron Merganov bilan hammasi yaxshi.