Eshitdik-da! "Surxon" Anzur Ismoilov bilan kelishuvga erishdi
13 dek 2022 21:15
Yangiliklar

Eshitdik-da! "Surxon" Anzur Ismoilov bilan kelishuvga erishdi

Teglar : Anzur Ismoilov Eshitdik-da!Surxon Imron Ulad Omar

Superliga klublari allaqachon yangi mavsum uchun tarkibni shakllantirish jarayonini boshlab yuborishgan.

Kecha aynan "Eshitdik-da" rukni orqali Termizning "Surxon" klubiga niderlandiyalik Imron Ulad Omar kelayotgani haqida xabar bergan edik.

Eshitdik-da! "Surxon"ga niderlandiyalik futbolchi kelyapti

Bugun termizliklar Superligamizdagi eng tajribali himoyachi Anzur Ismoilov bilan ham kelishuvga erishgan. Ikkala tomon o'zaro kelishuvga erishib bo'ldi.

37 yoshli markaziy himoyachi 2023 yilgi mavsumni "Surxon" tarkibida o'tkazadi. Ismoilov o'tgan mavsum AGMK tarkibida Superligada 22ta o'yinda maydonga tushdi va 2ta gol urdi.

"Surxon" bu bilan to'xtamoqchi emas. Klub Hamidjon Aktamov boshchiligida yana bir qator shov-shuvli "yurishlar"ni amalga oshirmoqchi. Qolganini vaqt ko'rsatadi.