Erkin Boydullaev: “Olmaliqda jamoamizni yana bir sinov kutmoqda”

Mazkur o'yin oldidan navoiyliklar sardori Erkin Boydullaev fikrlari bilan qiziqdik.

- Olmaliqda jamoamizni yana bir sinov kutmoqda, - deydi himoyachi Erkin Boydullaev. - Ko'z tegmasin, ikkinchi davra bahslarini g'alabalar bilan boshladik. Turdan turga jamoadoshlarim o'yini tobora ochilib bormoqda. Ammo navbatdagi uchrashuvda oson bo'lmaydi. “Olmaliq” oxirgi ikki turda raqibdan ochko tortib ololmadi. Bu galgi bahsda ular faqat ijobiy natija uchun maydonga tushishi tabiiy. Biroq biz ham qo'l qovushtirib o'tirmoqchi emasmiz. Qolaversa, safardagi o'yinimizni kuzatgani Navoiydan yuzlab ishqibozlar tashrif buyurishadi. SHu bois, ularga manzur bo'ladigan futbol namoyish etish uchun bor kuch va mahoratimizni ishga solamiz.

“Qizilqum” PFK Matbuot xizmati.