Erik ten Xag: "Jamoa men istagan o'yinni namoyish qilib berdi"

"Juda yaxshi o'yin ko'rsatdik. To'pli va to'psiz o'yinimiz juda faol bo'ldi.

Jamoa men xohlagan o'yin uslubini namoyish qildi. O'tgan davr mobaynida biz mashg'ulotlardagi harakatlarni o'yinga ham ko'chira olyapmiz. Har doim g'alaba qozonishni istaymiz. Yigitlar shunga mos o'yin ko'rsata olishdi deb o'ylayman.

Yosh futbolchilar asosiy jamoa bilan fantastik o'ynashmoqda. "Manchester Yunayted" yoshlarni etishtirib chiqaradigan mashhur klublardan biri. Buni biz amalda ham ko'rib kelyapmiz.

Barchada ishonch bor, Kobi Mayno ham ishonchli o'yin ko'rsatyapti, uning o'yini menga maqul kelmoqda. U bahorda jarohat olgandi, asta-sekinlik bilan o'ziga kelyapti. Barchamiz xursandmiz. Hozir tarkibimizda yoshlar ko'p, ularning barchasining darajasi yaxshi.

Premer-liga juda og'ir musobaqa. SHunday bo'lsa ham ushu mavsumda yoshlarga ham imkoniyat berishni rejalashtiryapmiz. Bizda maqsadlar ulkan", - dedi ten Xag.