Emiliano Martines: "U Niderlandiya gol urishini xohladi"

Niderlandiya va Argentina termalari o'rtasidagi Jahon chempionati chorak final bosqichi ikkinchi bahsi tartibsizliklar va ogohlantirishlarga boyligi bilan ajralib turdi. O'yinni boshqarib borgan referi Antonio Mateu Laos o'yin davomida jami 15 ta sariq kartochka ko'rsatdi va bazi vaziyatlar uning nazoratidan chiqib ketganday taassurot qoldirdi. Janubiy Amerika vakilining penaltilar seriyasida g'alaba qozonishida qahramonlik ko'rsatgan Martines o'yindan keyin fikrlarini bildirib o'tdi:

"Juda murakkab o'yin bo'ldi va biz o'yinni yaxshi nazorat qildik, deb o'ylayman. Biz 2:0 hisobida oldinga chiqib oldik. O'yin bizning ustunligimizda o'tdi, hakam raqiblarimizga hamma narsani berdi. To'satdan ular bosh bilan yaxshi zarba berishdi. Men buni ko'rmay qoldim va hammasi teskari bo'lib ketdi. Referi ularga hech qanday sababsiz 10 daqiqa qo'shib berdi, 10 daqiqa! U 2 yo 3 marta jarima maydonchasi tashqarisida jarima zarbasi berdi. U shunchaki Niderlandiya gol urishini xohladi. Umid qilamanki, biz endi o'sha hakam bilan o'ynamaymiz. CHunki u foydasiz".