Eldor Shomurodov: "Kannavaro o'yin uslubi, taktik tomonlama yangiliklar kirityapti"

Turnir finalida esa forslar taslim etildi. O'yindan so'ng O'zbekiston terma jamoasi hujumchisi Eldor Shomurodov fikrlarini bildirdi.

"O'tgan uchrashuvlarga qaraganda yaxshiroq o'ynadik. Birinchi bo'limda ancha vaziyatlar yaratdik. Ikkinchi bo'limda esa 10 kishi bo'lib ham yaxshi himoyalandik",- deydi Eldor Shomurodov. 

- Qirg'izistonga qarshi penaltidan keyin Turkiyada ancha ishonchli tepdingiz. Bugun ham shunday bo'ldi. Penaltilarni qancha mashq qildingiz?

- O'shandan keyin mashq qilishga to'g'ri kelyapti. Tepish uslubimni o'zgartirdim. 

- Fabio Kannavaro bilan 2 ta yig'in o'tkazdik. Jamoada bo'lgan o'zgarishlarni sezyapsizmi?

- Albatta, Kannavaro bizdan ko'proq agressivroq va oldinga o'ynashni talab qilyapti. O'yin tempida ham, taktik, o'yin uslubi tomonlama ham yangiliklar kirityapti.