Egor Krimec: "Raqibni mensimaslik kuzatilayotgani yo'q"

- Doimgidek yuqori kayfiyatda muhim o'yinlarga tayyorgarlik ko'ryapmiz. Har bir o'yinga jiddiy yondoshamiz va bir xil maromda shug'ullanamiz. Har bir o'yindagi g'alaba bizni asosiy maqsadimizga yaqinlashtirib boradi. Buni barcha birdek tushunib turibdi. Xitoy chempionatida bitta uchrashuvni o'tkazdik. Asta-sekin o'z jismoniy holatimni yaxshilab bormoqdaman. Umuman o'zimizning chempionatda ishtirok etadigan futbolchilar ham endi o'z formalarini topib borishmoqda. Mavsum yaqindagina start oldi. Bu borada ular bilan bir xil holatdamiz. Hozirgi kunda barcha jamoalar futbol o'ynashni o'rganib olishgan. SHu bois raqibni mensimaslik kuzatilayotgani yo'q. Bizni jiddiy bellashuv kutmoqda.