“Dinamo” (Zagreb) ustozi korrupciyada ayblanib qamaldi. Jamoani oldinda “Tottenxem”ga qarshi bahs kutmoqda

Unga nisbatan 4 yil 8 oyga mo'ljallangan ozodlikdan mahrum etish jazosi qo'llanildi.

Avvalroq klub sport direktori lavozimida ishlagan Mamichning akasi Zdravko esa 6,5 yilga ozodlikdan mahrum qilindi.

Zoran Mamich va uning ukasi korrupciya hamda uyushgan jinoiy guruhni tashkil qilish ayblovlari bilan tergov qilinayotgandi. Xorvatiya rasmiylari ularni 2008 yil klub byujetidan 17,3 mln dollarni o'zlashtirganlikda va 1,8 mln dollar miqdorida soliqni to'lamaganlikda gumon qilishgandi.

Taxminlarga ko'ra, ayblanuvchilar “Dinamo” futbolchilarining xorij jamoalariga o'tishidan tushgan komission summani yashirishgan. Noyabrda Mamich hibsga olingan, ammo keyinchalik garov evaziga qo'yib yuborilgandi.

Eslatib o'tamiz, zagrebliklarni 18 mart kuni Evropa Ligasi 1/8 finali doirasidagi “Tottenxem”ga qarshi javob bahsi kutmoqda. Ilk uchrashuvda esa "shporlar" 2:0 hisobida zafar quchgandi.