Dilyaver Vaniev: "G'alaba qozonmaganimiz juda alam qildi"

Unda ishtirok etgan "Mashal" jamoasi katta murabbiyi Dilyaver Vaniev quyidagi fikrlarni bildirdi.

- O'yin haqida gapirishdan oldin bizga stadion bergan "Paxtakor" va markazlashgan chempionatning keyingi o'yinlari bo'lib o'tadigan boshqa stadionlar rahbariyatiga minnatdorchilik bildiraman. PFL xavfsizlik yuzasidan o'yinlarni shu erda o'tkazishni lozim topdi. Bu qarorni hurmat qilamiz. Endi o'yinga keladigan bo'lsam, uch ochko qo'lga kirita olmaganimiz juda alam qildi. Tashabbus biz tomonda bo'la turib yuta olmaslik alamli. Men Viktor Balyutovichning o'yin uslubini yaxshi bilaman va shunga monand hozirlik ko'rgandik. "Andijon" asosan stantdart vaziyatlardan foydalanishga qaror qildi, biz esa uchta qulay imkoniyatni yo'qqa chiqardik. Kamchiliklar ustida ishlashda davom etamiz.

- Hujumni yakunlashda oxirgi aniq pas etishmayapti. Buni qanday izohlaysiz?
- Nafaqat o'yin oxirida, balki uchrashuvning boshqa qismlarida ham shunday holat ko'zga tashlandi. Yaqinda ijaradagi ikki futbolchimiz qaytdi. Men ularga vaqt kamlik qildi demoqchi emasman. Faqat vaziyatdan foydalanish futbolchining o'zida bo'lishi kerak. Katta bolalarga golni qanday urishni o'rgatmaysiz-ku. Hech qaysi murabbiy buni o'rgata olmaydi. Nima qilib bo'lsa ham bu muammoni echishimiz kerak. Vaziyatlar borligidan xursandman, lekin gol bo'lmadi, shundan xafaman.