Diego Maradonaning libosi kimoshdi savdosiga qo'yiladi

Argentinalik futbolchining 1986 yilgi jahon chempionatida Angliyaga qarshi o'ynagan futbolkasi bo'lajak xaridorga taxminan 5,25 million dollarga tushishi aytilmoqda. 

O'sha o'yinda Maradona qo'li bilan gol urgandi, keyinchalik bu gol "Xudoning qo'li" atagan. SHuningdek, ushbu uchrashuvda Maradona o'z maydonidan boshlab bir qancha raqiblarini aldab o'tgancha, "Asr golini" kiritgandi.

Hozirda ushbu libos Angliya terma jamoasining sobiq yarim himoyachisi Stiv Xojga tegishli bo'lib, u o'sha o'yindan keyin Maradona bilan futbolka almashtirgandi.

Onlayn aukcionlar 20 apreldan 4 maygacha davom etadi. Ushbu davr mobaynida futbolka Londondagi Sotheby’s ko'rgazmasida namoyish etiladi.

Hozirda kim oshdi savdosida sotilgan eng qimmat futbolka bu "Yankis"ning sobiq beysbolchisi Beyb Rutning libosi hisoblanadi. Uning narxi 5,64 million dollarni tashkil qilgan.