Davron Fayziev: "Vaziyat qandaydir dahshatli tushga o'xshaydi"

O'yin haqida

- Hozir biron so'z aytishga kuch topish qiyin bo'layapti. Vaziyat qandaydir bir dahshatli tushga o'xshaydi. Bugun ikki jamoa ham g'alaba uchun kurash olib bordi, maqsad 3 ochkoga qaratilgandi. O'z xatolarimiz evaziga jazolandik. 2:0 yutib turib yakunda 2:3 hisobida yutqazdik. Futbolchilar oldinroq xotirjamlikka berilishdi. Futbol 90 daqiqa o'ynalishiga yana bir bor isbot. Biz oxirigacha kurashish haqida ko'rsatma bergandik.

- Sanat SHixovning almashtirilishiga sabab nima bo'ldi?

- Unda charchoq alomatlari ko'zga tashlandi. SHuningdek SHixovda ozroq jarohat ham bor edi. SHu sababdan uni almashtirdik, aks xolda rejada SHixovni almashtirish yo'q edi. Zaxiradan o'yinga qo'shilgan futbolchilar haqida ham hozir biron gap aytish qiyin.

- O'yin 2:2 bo'lib turgan vaqtda Ilhomjon Vahobovni tushirdingiz. Bu vaziyatda hujumchini o'yinga tashlagan yaxshi emasmidi?

- Zaxiramizda hujumchining o'zi yo'q edi. Masalan Anvar Hojimirzaev o'yinga tayyor emas. Murodjon Komilovni "Surxon"ning baland bo'yli himoyachilariga qarshi tushirishni bilmadim. Hozir yutqazganda "mumkin edi" qabilidagi gaplar ko'payadi.

74-daqiqada bunday uzoq masofadan gol o'tkazvorish jamoani kayfiyatiga tasir qiladi. Raqibga esa bu motivaciya. Menimcha, 2:0 juda yomon hisob. Ketma-ket ikkinchi o'yinda alamli mag'lubiyatga uchramoqdamiz.