“CHelsi” Kristofer Vivelni texnik direktor etib tayinlaydi

“CHelsi” egalari Todd Boeli va Behdad Egbali o'tgan ikki hafta ichida bir qator nomzodlar bilan uchrashdi. Ular orasida payshanba kuni “Leypcig”dan ishdan bo'shatilgan Vivel ham bor edi.

“Kristofer Vivel kecha texnik direktor lavozimidan ozod etildi. Farqli qarashlar tufayli ushbu qaror darhol kuchga kirdi”, deyiladi Bundesliga klubi rasmiy bayonotida.

“Leypcig” Vivelni boshqa bir vazifaga tayinlash borasida ham muhokama qilgan. Taxminlarga ko'ra, u shu hafta boshida “Stemford Bridj” rasmiylari bilan uchrashgan.

Vivelning kelishi “ko'klar”ning yangi egalari uchun muhim qadam bo'ladi va ular texnik direktordan so'ng sport direktori ham tayinlaydi.