CAFA Women’s Championship 2018: Bugun 4-tur uchrashuvlari bo'lib o'tadi
29 noy 2018 09:45
Yangiliklar

CAFA Women’s Championship 2018: Bugun 4-tur uchrashuvlari bo'lib o'tadi

Teglar : Ayollar futboli CAFA Women’s Championship 2018

Poytaxtimizda CAFA Women’s Championship 2018 musobaqasi davom etmoqda. Bugun turnirning 4-tur uchrashuvlari bo'lib o'tadi.

Kunning birinchi o'yinida Qirg'iziston terma jamoasi O'zbekistonga qarshi bahs olib boradi. Uchrashuv soat 13:00da boshlanadi. O'yinni eronlik Surur Saidiy boshqaradi, unga qanotlarda Habiba Rabaviketab va Jolih To'fonpur yordam berishadi. Zaxira hakami Veronika Bernadskaya (Qirg'iziston).

Ikkinchi o'yinda Tojikiston terma jamoasi Eron bilan kurash olib boradi. O'yin soat 16:00da boshlanadi. Uchrashuvni o'zbekistonlik Husnora Jumaeva boshchiligidagi hakamlar boshqarishadi. Unga qanotlarda Aleksandra Konchikova va Xayriniso Erkinova yordam berishadi. Zaxira hakami - Malika Qodirova (Qirg'iziston).

«CAFA Women’s Championship 2018»
29 noyabr, payshanba
13:00 Qirg'iziston – O'zbekiston
16:00 Tojikiston – Eron