Buxoro va Navoiy viloyatlarida "Kelajagimiz umidlari" festivali bo'lib o'tmoqda

Andijon, Namangan, Farhona viloyatlarida o'tkazilgan festivalda 7 yoshdan 10 yoshgacha bo'lgan 400dan ortiq bolalar ishtirok etishdi. Keyin Qoraqalg'oiston Respublikasida ushbu festival doirasidagi musobaqalar o'tkazildi.

Ayni kunlarda "Kelajagimiz umidlari" festivali Buxoro va Navoiy viloyatlarida davom etmoqda. Festivalda ikki viloyatning barcha tumanlaridan kelgan maktab o'quvchilari ishtirok etishmoqda.

Buxoro shahridagi “Xumo” sport majmuasida 4ta yosh toifasida 100 nafardan bola 10 ta jamoaga bo'linib baxs olib boryapti. Unda 1-sinfdan 4-sinfgacha, 13 tumandan 400 nafar bolalar qatnashishdi va Prezidentimiz tomonidan berilgan sertifikat va futbol to'plari bilan taqdirlanishdi. Taqdirlash marosimida Buxoro viloyat Futbol Federaciya masul kotibi D.Rashidov va Buxoro viloyat Futbol Federaciyasi qoshidagi 28-son Bolalar va o'smirlar futbol maktabi direktori A.Qo'ldoshev ishtirok etdilar.

6 fevral kuni Navoiy shahridagi Olimpiya zaxiralari kolleji zalida Festivalga start berilgan bo'lib, bu erda "Kelajagimiz umidlari" festivali 9 fevralgacha davom etadi.

Festival davomida ishtirokchilariga sovg'a sifatida to'plar, sport formalari taqdim qilinmoqda hamda Faxriy yorliqlar topshirilyapti.