Бухоро ва Навоий вилоятларида "Келажагимиз умидлари" фестивали бўлиб ўтмоқда

Андижон, Наманган, Фарҳона вилоятларида ўтказилган фестивалда 7 ёшдан 10 ёшгача бўлган 400дан ортиқ болалар иштирок этишди. Кейин Қорақалғоистон Республикасида ушбу фестивал доирасидаги мусобақалар ўтказилди.

Айни кунларда "Келажагимиз умидлари" фестивали Бухоро ва Навоий вилоятларида давом этмоқда. Фестивалда икки вилоятнинг барча туманларидан келган мактаб ўқувчилари иштирок этишмоқда.

Бухоро шаҳридаги “Хумо” спорт мажмуасида 4та ёш тоифасида 100 нафардан бола 10 та жамоага бўлиниб бахс олиб боряпти. Унда 1-синфдан 4-синфгача, 13 тумандан 400 нафар болалар қатнашишди ва Президентимиз томонидан берилган сертификат ва футбол тўплари билан тақдирланишди. Тақдирлаш маросимида Бухоро вилоят Футбол Федерация масул котиби Д.Рашидов ва Бухоро вилоят Футбол Федерацияси қошидаги 28-сон Болалар ва ўсмирлар футбол мактаби директори А.Қўлдошев иштирок этдилар.

6 февраль куни Навоий шаҳридаги Олимпия захиралари коллежи залида Фестивалга старт берилган бўлиб, бу ерда "Келажагимиз умидлари" фестивали 9 февралгача давом этади.

Фестивал давомида иштирокчиларига совға сифатида тўплар, спорт формалари тақдим қилинмоқда ҳамда Фахрий ёрлиқлар топшириляпти.