"Buxoro" ustozi: "Ilk 25 daqiqalikka psixologik tayyor emas edik"

"Jamoamiz ilk 25 daqiqalikda o'yinga psixologik tayyor emas edi. 50 metrdan to'p kelayotgan vaqtda qo'pol xatoga yo'l qo'yildi va oqibatida birinchi gol yuzaga keldi. Keyin esa jarima zarbasi va shu bilan barchasi yakunlandi. Maydon egalarining chempionlik uchun kurashayotgani hamda boshqa omillarning tasiri biz uchun ahamiyatli bo'lmasligi kerak edi. Biroq, bugun «Paxtakor» kuchliroq ko'rindi. O'yinda yaxshi tayyorgarlik ko'rgandik. Oddiy xato va shundan so'ng barchasi o'zgarib ketdi. «Paxtakor» bilan o'yinda xato qilish kerak emas axir. Hozir jamoamizga gol ura oladigan hujumchi etishmayapti. Hayot shu bilan to'xtab qolmaydi, keyingi o'yinlarga tayyorgarlik ko'rishda davom etamiz. «Paxtakor»ni esa tabriklaymiz", deya so'zlarini yakunladi Muhammadiev.