"Buxoro" bosh muarabbiyi: "Oldimizga qo'ligan vazifani bajarib, Superligaga yo'llanmani qo'lga kiritdik"

"O'yin haqida endi hech nima deya olmayman, chunki oldimizga qo'yilgan vazifani bajarib, Superligaga yo'llanma oldik.

Avvalambor barcha futbolchilarimga katta rahmat, butun turnir davomida o'zlarini professional tomonlama ko'rsatganlari uchun, maydonda borlarini berib harakat qilganlari uchun. Barcha ishchi xodimlarga, qorovuldan tortib, tibbiyot xodimlarigacha hamma hammalariga katta rahmat. Buxoro viloyat hokimi Botir Zaripovga futbolga bo'lgan etiborlari uchun, jamoamiz bosh direktori O'tkir Qodirovga biz bilan hamnafas bo'lib, har bir futbolchi va xodimlar nisbatdan yuksak etiborlari uchun va bizning bosh homiymiz bo'lmish Buxoro neftni qayta ishlash zavodi direktori Akbar Fozilovga alohida tashakkurlarimni bildirib o'taman.

 Muxlislarimizga esa shuni aytib qo'ymoqchiman, biz sizlar uchun harakat qildik, sizlar bunga arziysizlar! Issiq saratonda ham, qaxraton sovuqlarda ham, xoh uyda, xoh safarda o'ynamasak, sizlar bizlarni yolg'izlatib qo'ymadingizlar. Sizlarga katta rahmat. Superliga muborak aziz Buxorolik muxlislar!"