“Bunyodkor” xorvatiyalik himoyachi bilan shartnoma imzoladi

U markaziy himoyachi hisoblanadi. Zarur paytda o'ng qanot himoyachisi vazifasini bajarishi ham mumkin. Standart vaziyatlarida bosh bilan o'ynash sifatlarini alohida takidlab o'tish kerak. SHuningdek, markaziy himoyachi sifatida uning hujumchilarga oshiradigan birinchi uzatmalari ko'pincha aniq bo'ladi. Kamdan-kam hollarda ikkinchi qavatda raqiblariga imkoniyatni boy beradi. Yakka kurashlarda deyarli engilmaydi. To'g'ri poziciya tanlash borasida uning tanlovi ko'pincha ish beradi.SHuningdek, u burchak zarbalari chog'ida raqib darvozasi oldida xavfli futbolchiga aylanadi va aksariyat hollarda aynan shu kabi standart vaziyatlaridan gollar uradi.

Bulyat futbolchilik faoliyatini o'z tug'ilib o'sgan Zadar shahrining “Zemunek” jamoasida boshlagan. SHundan keyin shaharning asosiy jamoasi “Zadar” safiga o'tgan.

2005 yilda Yurica Bulyat Splitning “Xayduk” jamoasi bilan shartnoma imzoladi va bu klub safida 100ga yaqin uchrashuv o'tkazdi. Aynan “Xayduk” bilan u ikki bor Xorvatiya vice-chempioni va mamlakat kubogi sohibiga aylandi.

2011 yilda u Xayfaning“Makkabi” jamosiga o'tdi. Isroildagi ikki yillik faoliyatidan so'ng Bulyat yana “Zadar”ga qaytdi va bir yil ona shahri jamoasida to'p tepdi. 2013-2014 mavsumlarni u Germaniya ikkinchi Bundesligasi vakili “Energi” safida o'tkazdi. Markaziy himoyachi “Bunyodkor”ga kelishdan avval Ukrainaning “Metallist” klubida safida o'ynagan.

Yurica Bulyat Evropa ligasida ishtirok etgan. Xorvatiya o'smirlar, yoshlar va olimpiya terma jamoalari safida harakat qilgan. SHuningdek, Xorvatiya milliy terma jamoasi tarkibida ikkita uchrashuv o'tkazgan.

O'ylaymizki, Yurica Bulyat “qaldirg'ochlar”ning muvaffaqiyatlariga o'z hissalarini qo'shib, muxlislarda yaxshi taassurot qoldiradi.

BIZNING MA'LUMOT

To'liq ismi: Yurica Bulyat

Tug'ilgan sanasi: 12.09.1986

Tug'ilgan shahri: Zadar

Fuqaroligi: Xorvatiya

Bo'yi: 188

Vazni: 88

Ampluasi: himoyachi

Futbolchilik faoliyati: