Bugun klublar o'rtasidagi jahon chempionatiga qura tashlanadi
09 okt 2017 12:24
Yangiliklar
Bugun klublar o'rtasidagi jahon chempionatiga qura tashlanadi
Ushbu turnir 6-16 dekabr kunlari Abu Dagi va Al-Ayn shaharlarida bo'lib o'tadi.
Musobaqa ishtirokchilari:
"Al-Jazira" (Mezbon, BAA chempioni)
"Oklend Siti" (Okeaniya CHempionlar ligasi g'olibi)
"Pachuka" (KONKAKAF CHempionlar ligasi g'olibi)
"Real" (UEFA CHempionlar ligasi g'olibi)
Afrika CHempionlar ligasi g'olibi (5 noyabrda g'olib aniqlanadi)
OFK CHempionlar ligasi g'olibi (25 noyabrda g'olib aniqlanadi)
Libertadores Kubogi g'olibi (29 noyabrda g'olib aniqlanadi)
Qura jarayoni
Turnirdagi ilk uchrashuv "Al-Jazira" va "Oklend Siti" klublari o'rtasida bo'lib o'tadi. Ushbu juftlik qurada bir shar bo'lib ishtirok etadi va g'olib jamoa chorak finalda OFK CHempionlar ligasi g'olibi, Afrika CHempionlar ligasi chempioni va "Pachuka" bilan o'ynashi mumkin. Libertadores Kubogi g'olibi va "Real" turnirga yarim finaldan qo'shilishadi.
B - OFK CHempionlar ligasi g'olibi, Afrika CHempionlar ligasi chempioni va "Pachuka"
C - Libertadores Kubogi g'olibi va "Real"
Eslatib o'tamiz, ushbu turnirda ishtirok etadigan "Al-Jazira" safida hamyurtimiz Sardor Rashidov to'p tepadi. Agar u ushbu musobaqada qatnashsa, Rashidov klublar o'rtasidagi jahon chempionatida qatnashgan birinchi o'zbekistonlik bo'lishi mumkin. Yana bir yurtdoshimiz Odil Ahmedov esa "SHanxay SIPG" bilan OFK CHempionlar ligasidagi yurishini davom ettirmoqda. SHanxayliklar yarim finalning ilk uchrashuvida "Urava Red Daymonds" bilan 1:1 hisobida durang qayd etishdi. Javob uchrashuvi 18 oktyabr kuni bo'lib o'tadi.
Fikrlar