Bugun Ermatov dunyo rekordi qayd etiladigan o'yinni boshqaradi

CHorak final doirasidagi Gollandiya – Kosta-Rika uchrashuvida hakamlik qiladigan hamyurtimiz uchun bu rekord qayd etilgan o'yin bo'ladi.

Ermatovga qanotlarda Abduhamidullo Rasulov va Bahodir Qo'chqorov yordam berishadi. Zaxira hakami vazifasini esa kot-d'ivuarlik Numandez Due bajaradi. Gollandiya –Kosta-Rika o'yini chorak final juftliklari orasida so'nggisi bo'lib, u 5 iyuldan 6 iyulga o'tar kechasi soat 01:00da (Toshkent vaqti bilan) boshlanadi.

Eslatib o'tamiz, bungacha Ravshan Ermatov SHveycariya – Ekvador (1-tur), Xorvatiya –Meksika (3-tur) hamda AQSH – Germaniya (3-tur) o'yinlarini boshqargandi. Bugungi oqshomdan o'rin olgan Argentina va Belgiya terma jamoalari o'rtasidagi yana bir chorak final bahsi esa Nikola Riccoli (Italiya)ga ishonib topshirilgan.