Brunu Fernandeshda koronavirus aniqlanmadi. U "Atletiko"ga qarshi o'ynashi mumkin

"Manchester Yunayted" klubi yarim himoyachisi Brunu Fernandeshning yaqindagina koronavirusga musbat test topshirgani haqida xabar berilgandi. Jamoa bosh murabbiyi Ralf Rangnik esa futbolchi qaytadan test topshirgani va unda kasallik aniqlanmagani haqida gapirdi.

"Kecha Brununi tekshirishdi. Test manfiy chiqdi. SHu sabab ham u bugun mashg'ulotlarga kirishdi. 

Hozirgi paytda jamoadagi barcha o'yinchilar ertangi o'yinga shay. Lyuk SHou borasida biroz savollar bor. Ammo qolgan barcha o'yinchilar "Atletiko"ga qarshi maydonga tushishga tayyor", -deydi Ralf Rangnik.

Eslatib o'tamiz, "Manchester Yunayted" va "Atletiko" o'rtasidagi bahs ertaga bo'lib o'tadi.