Brandon Uilyams: "Eriksen barchasini enga olgani uchun ham uni quchoqlab qo'yish shart deb hisobladim"

Ushbu o'yindagi bir qiziq epizod barchaning etiborini tortgandi. O'yinning 40-daqiqasida "Norvich" himoyachisi Brandon Uilyams to'p bilan hujumga o'tadi. Uni ortdan "Brentford" futbolchisi Kristian Eriksen ko'pollik bilan ushlab qolib, yiqitadi. Uilyams dastlab uni ortdan ushlab qolgan futbolchi kim ekanligini yaxshi anglamay, o'sha futbolchiga tashlanmoqchi bo'ladi. Keyin esa bu futbolchi yurak hurujidan so'ng katta futbolga qaytgan Kristian Eriksen ekanligini anglaydi va uni quchoqlab oladi.

Bu vaziyat ko'pchilikning olqishiga sabab bo'ldi. "Norvich" himoyachisi Brandon Uilyams esa o'sha vaziyatda nima bo'lgani haqida gapirdi.

Bu shunchaki tabiiy instinkt yordamida bo'ldi. Eriksendan o'tib ketgandim, u esa meni ortdan torta boshladi. Biz hujumga o'tayotgandik. Meni bundan qattiq jahlim chiqib ketdi va unga javob qaytarmoqchi bo'ldim. Ammo u qanday qiyin yo'lni bosib o'tganini bilardim. Eriksen boshidan juda ko'p narsani o'tkazdi va shundan so'ng ham futbolga qayta oldi. Maydonga qayta olish u uchun juda ko'p narsani anglatardi. U barchasini enga oldi. SHuning uchun ham men uni quchoqlab qo'yish shart deb hisobladim", -deydi Brandon Uilyams.

Eslatib o'tamiz,  o'tgan yilning yozida Evropa chempionati o'yini vaqtida Eriksenning yuragi to'xtab qolgan edi. Futbolchi uzoq tanaffusdan so'ng futbolga qaytishga erishdi.