Bonuchchi "Milan"dagi faoliyatidan olgan foydasi haqida gapirdi

"2016/17 yilgi mavsum ham shaxsiy ham professional faoliyatim uchun katta qiyinchiliklar tug'dirdi. Ko'plab kelishmovchiliklar bo'ldi, ayniqsa ECHLdagi mag'lubiyatdan keyin bu kuchayib ketdi. Yakunda men juda ham yomon qaror qabul qildim.

Aytishim mumkinki, faoliyatimdagi eng yomon qaror ham menga inson sifatida ayrim yaxshi holatlar bilan yodda qoldi. "Milan"da o'tkazgan oylarimda men o'zimni tahlil qildim va jamoam faqatgina "Yuventus" bo'lishini his qildim.

"Milan"da ham ko'plab yaxshi insonlarni ko'rdim, ulardan eng ajoyibi Jennaro Gattuzo edi. Og'ir mavsumni o'tkazgan bo'lsak-da, buni foydasiz deb bo'lmaydi. Baribir uyimga qaytganimdan xursandman", - dedi Bonuchchi.