Bolalar futbolida 2019 yil yakunlari: Toshkent birinchi, Namangan ikkinchi, Toshkent viloyati uchinchi

Yakuniy ro'yxatda Toshkent terma jamoasi 12ta oltin, 7ta kumush, 4ta bronza bilan 1-o'rinni qo'lga kiritdi. Bu borada Toshkent shahar futbol Associaciyasi tomonidan o'tkazib kelinadigan bolalar ligasi musobaqalari katta rol o'ynadi. Terma jamoalar o'rtasida bo'lib o'tgan 5ta yosh toifasidagi asosiy musobaqaning 4tasida Toshkent terma jamoasi g'alaba qozonganligini takidlab o'tish lozim.

Ikkinchi o'rinni, kutilganidek Namangan viloyati qo'lga kiritdi. Viloyat hokimi, Xayrulla Bozorov tomonidan amalga oshirilayotgan keng ko'lamdagi ishlar o'z samarasini bera boshladi. Namangan terma jamoalari yil davomida Respublika miqyosida o'tkazilgan turnirlarning 5tasida birinchi o'rinni qo'lga kiritdilar. 2ta kumush va 3ta bronzani ham qo'shimcha qilish mumkin.

Uchinchi o'rin Toshkent viloyatiga nasib etdi. Ular 4ta oltin, 1ta kumush va 2ta bronza medallariga ega chiqdilar.

Bolalar futboli achinarli holatga tushib qolgan viloyatlar, bular Xorazm, Qoraqalpog'iston Respublikasi va Buxoro viloyati bo'ladi. Ildar Magdeev, Ulug'bek Baqoev, Jasur Hasanov kabi futbolchilarni tarbiya qilgan viloyat bor yo'g'i bitta kumush bilan cheklangan.