BELGIYA – JAZOIR 2:1. MATNLI TRANSLYACIYA

JCH-2014. “H” guruhi. 1-tur
21:00. BELGIYA – JAZOIR 2:1
17 iyun. 21:00
Bosh hakam: Marko Rodrigez (Meksika)
Yordamchi hakamlar: Marvin Torrentera (Meksika), Markos Kintero (Meksika)
Zaxira hakami: Alirizo Fag'oni (Eron)

Gollar: Feguli, 25 penalti - 0:1. Fellayni, 70 - 1:1. Mertens, 78 - 2:1.

Belgiya: 1.Tibo Kurtua, 2.Tomas Alderveyreld, 4.Vensan Kompani, 5.Yan Vertongen, 6.Aksel Vicel, 7.Kevin De Bruyne, 9.Romelu Lukaku (17.Divok Origi, 58), 10.Eden Azar, 15.Daniel van Buyten, 19.Mussa Dembele (8.Maruan Fellayni, 65), 22.Nosir CHadli (14.Dris Mertens, 46).
Jazoir: 23.Rais Mboli, 2.Majid Bugerra, 3.Fauzi G'ulom, 5.Rafiq Xalliche, 10.Sofyan Feguli, 12.Karl Mejani (9.Nabil Gilas, 84), 14.Nabil Bentaleb, 15.El Arabi Sudani (13.Islam Slimani, 65), 19.Safir Tayder, 21.Riyad Mahrez (8.Mehdi Lasen, 72), 22.Mehdi Mustafo.
Ogohlantirishlar: Yan Vertongen 24 - Nabil Bentaleb 33

                                MATNLI TRANSLYACIYA
                                           YANGILASH

90+3. Uchrashuv yakunlandi. Belgiya irodali g'alabaga erishdi. Ushbu jamoaning barcha muxlislarini tabriklaymiz. Bugun yana ikkita o'yin bor, uxlab qolib chiroyli gollarni o'tkazib yubormang!

90. O'yinga 3 daqiqa qo'shib berildi

89. Jazoirning maqsadi hisobni ushlab qolish edi, maqsadga erisha olmadi, Belgiya ikkita gol urib qo'ydi

86. Fellayni qulay imkoniyatda edi, ammo to'pni to'xtatishda xatoga yo'l qo'ydi, Maruan o'ziga o'xshashni boshladi

84. O'zgarish. Jazoir. Karl Mejani o'rniga Nabil Gilas tushdi. Bozorda gilosning narxi qancha kim biladi?

83. O'yin ancha qiziqarli tarzda davom etmoqda! Fellayni boshi bilan darvozaga zarba berdi, Rais to'pni qaytardi!

80. Mark Vilmots zaxiradan maydonga tushirgan ikkala futbolchisi gol urdi, Divok Origi ham zaxiradan tushgan...

78. Eden Azar qarshi hujumni boshladi, o'ng qanotdan ochilayotgan sherigini ko'rib to'pni unga tashladi, ikkinchi bo'lim boshida maydonga tushib ancha faol o'ynagan Dris Mertens darvozabon bilan birga bir vaziyatga chiqib borib darvozani ishg'ol qildi - 2:1.

78. GOOOOOOOOOOOOOOOOOOOOOOOOOOOOOOL, MALADES bola Mertens!

77. Jazoir bosh murabbiyi Vohid Xalilxojich o'z vaqtida Qatar milliy terma jamoasi murabbiyi bo'lgan va Toshkentga kelgandi. Hozir u Braziliyada

75. Xorij OAVning bergan malumotlariga ko'ra Fellayni JCHlarda Ueyn Runidan ko'proq gol uribdi. Maruanning mundiallardagi ilk goli. Messi va Ronaldu hisobida 2tadan gol bor.

74. LIVE statistika: Zarbalar: 13:1, aniq zarbalar: 7:1

73. Endi nima bo'larkin? Jazoir g'alabani qo'ldan chiqarmoqda, hujumga o'tarmikin? Ko'ramiz. O'yin yanada qiziydi

72. O'zgarish. Jazoir. Riyad Mahrez o'rniga Mehdi Lasen tushdi

70. Kevin De Bruyne to'pni jarima maydoniga oshirdi, pas juda chiroyli chiqdi. MYU yarim himoyachisi bo'lgan Fellayni boshi bilan darvozani ishg'ol qildi - 1:1.

70. GOOOOOOOOOOOOOOOOOOOOOOOOOOOOOOOL, MIKRAFON! YO'G'E FELLAYNI!

68. Malumot uchun, Divok Origi 1995 yilda tug'ilgan...

67. Xavfli vaziyat!!!! ORIGI! MBOLI!  Hozirgi vaziyat qahramonlari edi bu. Divok Origi darvozabon bilan birga bir vaziyatga chiqib borib zarba berdi, Rais Mboli to'pni qaytardi!

66. O'zgarish. Jazoir. El Arabi Sudani o'rniga Islam Slimani tushdi

65. O'zgarish. Belgiya. Dembele o'rniga Maruan Fellayni tushdi. Adnan Yanuzayni bugun maydonda ko'rmaymiz((

60. Vertongen o'yinni oxirigacha o'ynamoqchi emasmi deyman, maydon markazida Fegulining oyog'iga tashlandi. Hakam qop qora qoshlarini chimirib qo'ydi

58. Feguli o'ng qanotdan oldinga borib burchak to'pi ishlab oldi. Keyin muxlislarga qarab "Yanada balandroq!" dedi

58. O'zgarish. Belgiya. Romelu Lukaku o'rniga Divok Origi tushdi, Yanuzay hamon zaxirada o'tiribdi

56. Xavfli vaziyat!!! Tayder burchak to'pini amalga oshirdi, Mejani boshi bilan darvozaning uzoq burchagini nishonga oldi, to'p biroz noaniq ketdi. Aks holda... aks holda bo'lar edi.

54. Mertens "malades" ekan. Ikkinchi bo'lim boshida tushib ancha muncha xavfli vaziyatlar tashkil qildi, bu safar o'zi ishlagan jarima to'pini amalga oshirdi, darvozabonga balli

52. Belgiya jarima to'piga ega bo'ldi, bugun juda ko'p bor eslaganimiz Rais Mboli to'pni mushtlari bilan qaytarib yubordi

52. Mertens o'yinga ancha faol qo'shilib ketdi, bu safar u o'ng qanotdan jarima maydoniga kirib borib darvoza tomon to'pni oshirdi, darvozabon o'z o'rnida

50. Xavfli vaziyat! Mertens burchak to'pini amalga oshirdi, Rais Mboli to'pni qaytarishda xato qildi, undan o'tgan to'p Vicelning boshiga borib tegdi va maydonni tark etdi

47. "Oltin avlod"ga ega bo'lgan Belgiya ikkinchi bo'limda nima qila olarkin? Balki yangi futbolchilarni tushurish kerakdir, zaxirada Adnan Yanuzay bor anaqqisa

46. Ikkinchi bo'lim start oldi. Nima edi? qani kettik!

46. O'zgarish. Belgiya. Nosir CHadli o'rniga Dris Mertens tushdi

O'yinning eng sara va "svejiy" fotolarini tomosha qilib boring Manba

45+1. Bo'lim yakunlandi, Jahon chempioni! bo'lishi mumkin deyilgan Belgiya Jazoirga mag'lub bo'lmoqda.

45. Birinchi bo'limga 1 daqiqa qo'shib berildi

44. Mana hujum! CHadli to'pni jarima maydoni ichida qabul qilib olib darvozaga zarba berdi, Jazoir darvozasida yosh bola emas Rais Mboli turibdi

42. Belgiya hisobda ortda qolayotgan jamoaga o'xshab o'ynayotgani yo'q. Hujumlar qandaydir sekin va noaniq bo'lmoqda

40. Hozirgi vaqtga qadar Belgiya 18 bor xavfli hujum qilgan, Jazoir esa 1 marta... hisob 0:1.

38. Yan Vertongenning jarimadan yo'llagan zarbasi to'sin yuqorisidan o'tib ketdi

37. Mahrez jarima maydoni yonginasida Alderveyreldni yiqitdi, (shuniyam yiqitasanmi boshqa familiyasi qisqarog'ini yiqitey) jarima to'pi

35. Endi Nosir CHadli zarba berdi, aniq borayotgan to'pni darvozabon ushlab oldi

34. ZARBAAAAAAA! 30 metrlardan "Zenit" futbochlisi Vicel kuchli va aniq zarba berdi, Rais to'pni qaytardi!

32. Ogohlantirish. Jazoir. Nabil Bentaleb

32. Belgiya yana bir burchak to'piga ega bo'ldi, uzatilgan to'p hech kimga nasib qilmadi, burchak to'pini De Bruyne amalga oshirdi

30. Bugun futbolchilar noaniq zarba berish bo'yicha kuch sinashishmoqda, De Bruyne shunday zarba berdiki buni yosh futbolchilarga ko'rsatib "jarima to'pini shunday tepish kerak emas" deb o'rgatish mumkin

29. Eden Azarni Tayder yiqitdi, De Bruyne jarima to'pini amalga oshiradi.

27. Dembele uzoq masofadan darvozaga zarba berib ko'rdi, noaniq

25. "Valensiya" futbolchisi Sofyan Feguli 11 metrli jarima to'pidan Tibo Kurtuani ojiz qoldirdi - 0:1.



25. GOOOOOOOOOOOOOOOOOOOOOL. FEGULI!

24. Ogohlantirish. Belgiya. Yan Vertongen

24. CHap qanotdan to'p jarima maydoni ichiga oshirildi, Vertongen o'z jarima maydoni ichida Fegulini yiqitdi. Bosh hakam Belgiya darvozasi tomon penalti Belgiladi

24. PENALTI!!!! Jazoir tepadi!

23. Jazoir zayavkasidan o'rin olgan 17 nafar futbolchi Franciya hududida tug'ilganini takidlash lozim.  

22. Dastlabki 10 daqiqada to'p bilan muomala qilishda Jazoir ustun edi, hozir Belgiya ustunlikni qo'lga oldi - 61:39.

21. Xavfli vaziyat! Birinchi aniq zarba! De Bruyne chamasi 23 metrlardan darvozaga zarba berdi, Rais (buva) Mboli to'pni qaytardi.

20. Belgiyaning JCHdagi so'nggi g'alabasi sifatida 2002 yil Rossiya ustidan qozonilgani haqida yozdik. O'sha o'yinda Mark Vilmots akrobatik tarzda gol urgandi. Vilmots hozir Belgiya terma jamoasi bosh murabbiyi

18. Endi Jazoirning hujumi. Riyad Mahrez raqib jarima maydoni ichiga kirib bordi va... chap oyog'i bilan qanchalik noaniq! zarba bera olishini barchaga ko'rsatib qo'ydi. Yomon emas, ancha noaniq ketarkan

18. Alderveyreld o'ng qanotdan jarima maydoniga to'p oshirdi, darvozabon chigal yozdi mashqdagidek harakat qilib to'pni ilib oldi.

17. Kevin De Bruyne uzoq masofadan darvozaga zarba berdi, to'p darvozagacha etib bormadi. Himoyachi atalmish futbolchilarga tegib qaytdi

16. Belgiya terma jamoasi jahon chempionatida oxirgi to'qqizta uchrashuvdan faqat bittasida g'alaba qozongan ekan. 2002 yil Rossiya ustidan bo'lgan o'sha g'alaba

15. Lukaku hujumda Bugerrani yiqitdi, hakam jarima to'pini belgiladi

14. Dembele to'pni oldinga Lukaku tomonga oshirdi, "CHelsi"ga tegishli bo'lgan hujumchi bu to'p uzatishni tushunmadi

13. Hozir agar shunday davom etaversa maydondagi emas tribunada nimalar bo'layotganini yozishga o'tib ketamiz.

12. O'yin tempi ancha past, tomonlar bir birlarini o'rganishda davom etishmoqda. Muxlislar bu lanj o'yinni jonlantirish uchun jonli to'lqinni boshlab yuborishdi. Qo'shnim To'lqin akaga salom

10. Dastlabki 10 daqiqada hech qaysi jamoa xavfli hujum qilmadi, hozircha darvoza tomon bironta zarba berilgani yo'q! 

8. Belgiyaning hujumi jarima maydoniga etmasdan uzilib qolmoqda.

8. Ko'pchilik tomonidan autsayderga chiqarib qo'yilgan Jazoir raqibdan umuman hayiqmay o'ynamoqda.

7. Jazoir termasi jahon chempionatidagi oxirgi besh o'yinidan beri gol ura olmayapti. So'nggi bor bu jamoa 1986 yilgi mundialda gol urgan!

6. Eden Azar o'yinni o'z qo'liga olishga urindi, uning harakatlari chiroyli chiqdi, ammo to'p oshirishdan so'ng Kevin De Bruyne o'yindan tashqari holatda qolib ketdi

4. To'p Belgiya futbolchilariga tushganida stadion "uvillamoqda", dahshatli manzara. Tushunarliki stadionda jazoirlik muxlislar ko'p ekan

3. Yana afrikaliklar hujum qilishdi, bu safar ham havodan uzatilgan to'pni Van Buyten qaytardi

2. Jazoir o'yindagi ilk jarima to'pini amalga oshirdi. Bu vaziyatda raqib himoyachilari to'pni qaytarib yuborishdi

1.O'YIN BOSHLANDI!

- Bugun Belgiya qizil, Jazoir esa oq rangli liboslarda harakat qilishadi.

- Endi Jazoir davlat madhiyasiga navbat

- Dastlab Belgiya davlat madhiyasi yangramoqda...

- Ikkala jamoa maydonga tushib keldi.

- Assalomu alaykum qadrli futbol muxlislari! Belgiya va Jazoir o'rtasidagi o'yinning matnli translyaciyasini sizlarga Narzulla Saydullaev taqdim etadi.

- Bahs soat 21:00da boshlanadi.