Bavariya chempion, boshqa kim ham bo'lardi? Barchasiga Kovach aybdor-mi?

«Bavariya» hukmronligi hech qachon tugamaydigandek ko'rinmoqda. Asosiy qahramon albatta - Xans Diter Flik. Noyabrdagi 1:5 maglubiyatidan keyin Kovachning o'rnini egallagan va o'sha zahotiyoq «Borussiya Dortmund»ni 4:0 hisobida yanchib tashlagan Flik «Bavariya» futbolchilarining bir-birining o'rnini bosishi bo'yicha chempionga aylantirib bo'ldi. Ammo, ayrimlarning fikricha Bundesligani TOPlar ichida eng zerikarlisiga ham aylantirib bo'ldi.

To'g'ri-da. Oxirgi 8 yilda 8-marotaba chempion, buning nimasi qiziq? Mana APL bu futbol. La Ligaga qarang – ana buni tomosha desa bo'ladi. SHu ham chempionatmi… deydiganlar ko'p albatta. Hattoki, korona krizisi davomida kurishga hech vaqosi qolmagan ayrim futbolsevarlarning tomog'idan Bundesliga o'tmadi.

Ammo, hakikiy «quruq futbol» sevarlar jimgina Bundesligaga sodiqligicha qolaveradi. U faqat va faqat haqiqiy futbol haqida. SHou emas, biznes emas, shou biznes ham emas – quruq futbol. Ammo, hozirgi zamonda quruq futbolning kimga qizig'i bor?!

Levandovskining esa asosiy qahramonligi uning urgan gollari emas, (31 yoshli polyak 40ta o'yinda 46ta gol urdi) bir emas 7ta poziciyada o'zini bemalol his qila olishida.

«Oltin tup» bordiyu Levandovskiga berilsa hech ham hayron bo'lishning hojati qolmaydi. Eng dahshatli paytlarda, krizis avjida arvoh o'yinlar bilan bo'lsa-da, chempionatni qaytarishga jurat etgan Bundesliga bunday etirofga juda ham loyiq.

SHunday deymanu, ammo yana o'sha ovozlarni eshitaman: «Bavariya» chempion, boshqa kim ham bo'lardi? Ensangiz qotsa kotaversin, aziz La Ligachilar, haqqingiz bor… Kim bilsin, balki «Bavariya»ni «o'ldirib» Bundesligani «tiriltirayotgan» Kovach qolganida hammasi boshqacha bo'larmidi…

Matluba Mustaeva

Berlin, Germaniya.