BAA. "Lokomotiv" va "Nasaf"ning raqiblari o'z o'yinlarini o'tkazishdi

OCHL-2016da O'zbekiston klublariga raqiblik qiladigan uchta klub kecha o'z o'yinini o'tkazdi.

Azizbek Haydarov to'p tepayotgan "Al SHabab" klubining safarda "Emireyts" ustidan 2:0 hisobida g'alaba qozongani haqida xabar berdik. "Al SHabab" OCHL-2016 pley-offida "Bunyodkor"ga qarshi o'ynaydi.

"Lokomotiv"ning guruhdagi raqibi "Al Nasr" klubi kecha "Al Ahli" mehmoni bo'ldi. O'yinda "Nasr" 1:3 hisobida yutqazib qo'ydi. Ivan Yovanovich boshchiligidagi jamoadan yagona golni braziliyalik Nilmar mezbonlar darvozasiga urdi. "Al Nasr" 21 ochko bilan musobaqa jadvalining 3-pog'onasini egallab turibdi. Klub keyingi o'yinni 19 dekabr kuni o'z uyida "Al SHaab"ga qarshi o'tkazadi.

"Al Ahli" - "Al Nasr" 3:1
Gollar: Sou 17, Volid Abbos 67, Lima 73 - Nilmar 36.
"Al Nasr": Ahmad Muhammad, Mahmud Hamis, Esam Dhahi, Ahmad Al Yassi, Luis Ximenes (Jassim Yoqub Salmon, 90+1), Xolid Jalol, Tariq Ahmad, Murod Said, Jires Kembo Ekoko (Salim Solih, 29), Nilmar, Jonatan Pitroypa (Jamol Ibrohim, 86).

"Nasaf" klubining guruhdoshi "Al Ayn" klubi kecha "Al SHaab" mehmoni bo'ldi. O'yinda "Al Ayn" 4:2 hisobida zafar quchdi. G'olib jamoa safida Ibrohim Diaki va Emmanuel Emenike dublga erishdi. Takidlash lozimki, Zlatko Dalich boshchiligidagi jamoa safida Ahmad Barman 24-daqiqada qizil kartochka olib maydonni tark etgandi. Ushbu g'alabadan so'ng o'z ochkolarini 28taga etkazib olgan klub hamon BAA chempionatida yakka peshqadam bo'lib turibdi. "Ayn" keyingi turni 20 dekabr kuni o'z maydonida "Al Fujira"ga qarshi o'tkazadi.

"Al SHaab" - "Al Ayn" 2:4
Gollar: Ndri 7, El Soulia 57 - Ibrohim Diaki 13, 18, Emenike 38 penalti, 78 penalti.
"Al Ayn": Xolid Issa, Muhammad Fayoz, Muhammad Favzi, Muhanad Salim, Ismoil Ahmad, Umar Abdulrahmon (Said Al Xatiri, 81), Ibrohim Diaki (Hilol Said, 61), Ahmad Barman, Li Myong Ju, Emmanuel Emenike, Muhammad Abdulrahmon (Rashid Issa, 23)
CHetlatish: Ahmad Barman 24.