Azizbek Usmonov: “Qolgan o'yinlarda ham muxlislarimizni xursand qilmoqchimiz”
03 okt 2016 13:11
Yangiliklar

Azizbek Usmonov: “Qolgan o'yinlarda ham muxlislarimizni xursand qilmoqchimiz”

Oliy liga yigirma to'rtinchi turi doirasidagi “Andijon” - “Qizilqum” jamoalari bahsidan (1:2) so'ng, navoiyliklar himoyachisi Azizbek Usmonov o'yin haqida fikrlarini bildirdi.

- Oxirgi o'yinlardagi omadsizliklardan keyin Andijonda g'alaba qozonganimizdan xursandmiz, - deydi Azizbek Usmonov. - Qolaversa, muxlislarimiz ham g'alabamizni sog'inib qolishgandi. Safarda muhim uch ochkoni qo'lga kiritdik. Taqvimga qarasangiz, keyingi turlarda ham jiddiy raqiblar bilan o'ynaymiz.
Muhimi, jamoamizda hozir ajoyib muhit hukmron. Ishonamanki, mavsumni yuqori kayfiyatda yakunlash uchun barcha imkoniyat etarli. Asosiysi, muxlislar jamoamizni qo'llab-quvvatlashsa bas. Ularni xursand qilish uchun keyingi turlarda ham chiroyli va hujumkor futbol namoyish etishga harakat qilamiz.

“Qizilqum” PFK Matbuot xizmati.