Nikola Lazarevich: "Bugungi o'yinda futbolchilarimning harakatlaridan ko'nglim to'ldi"

O'yin haqida

- "Qo'qon-1912" jamoasini g'alaba bilan tabriklayman. Biz "Paxtakor" bilan o'yindan so'ng qisqa fursat ichida ushbu uchrashuvga tayyorgarlik ko'rdik. Oldimizda oson bo'lmagan o'yinlar kutib turibdi. Shu bois o'yin amaliyoti kam bo'lgan futbolchilarga ham imkoniyat berishga harakat qildik. Bugungi o'yin uchun yigitlardan hafa emasman, harakatlarimizdan ko'nglim to'ldi.

- Bugun jamoangiz tarkibida asosan yosh futbolchilar harakat qilishdi. Ushbu yosh futbolchilardan qaysilarini asosiy tarkib uchun nomzod sifatida ko'rmoqdasiz?

- Ha, ular orasidan tayyor bo'lib kelayotganlari bor. Bugun ularni ko'rib olishimiz uchun yaxshi imkoniyat bo'ldi. O'yinni takroran ko'rib chiqib tahlil qilamiz. Yosh futbolchilar orasida asosiy tarkibga loyiq bo'lganlari bor.

- Siz kabi murabbiylar o'zbek futbolida ishlab kelishmoqda. Masalan bunga Ivan Boshkovichni misol keltirish mumkin. Shu kabi o'zbek futbolini yaxshi bilgan Dragan Cheran, Lyupche Doriev kabi futbolchilar ham bor. Bu borada fikringiz qanday?

- Ha, o'zbek futbolida xorijiy mutaxassislar bor. Ivan Boshkovich ham juda yaxshi ishlab kelayapti. Jiddiy chempionat, darajasi etakchi ligalardan kam emas. Slavyan futbolchilarga ham bu chempionatda oson bo'layotgani yo'q. Men ularga ishonaman. O'zbekiston milliy terma jamoasi jahon chempionatiga chiqishga yaqin turibdi. Ushbu voqelik yuz bersa, o'zbek futbolining darajasi yanada ortadi.

- Issiq ob-havo sharoitida futbol o'ynadingizlar. Uchrashuvning erta vaqtda boshlanganiga fikringiz qanday?

- Bu borada tashkilotchilar o'ylagani aniq. Bu borada menda savol yo'q. Issiq ob-havoda futbol o'ynash oson emas, biroq buning ham o'ziga yarasha sabablari bor ekani aniq. Biz uzoq yo'l bosib keldik, ehtimol ob-havo ham o'yin sifatiga tasir ko'rsatgandir.