“Ayaks-95” yulduzlarini eslaymiz: Overmars, Zeedorf, Raykaard...
28 mar 2020 03:29
Yangiliklar
“Ayaks-95” yulduzlarini eslaymiz: Overmars, Zeedorf, Raykaard...
O'shanda Amsterdamning “Ayaks” klubi Fabio Kapelloning “Milan”i bilan to'qnashgan, o'yin taqdirini zahiradan maydonga tushgan 18 yoshli Patrik Klyuyvertning yagona goli hal qilgandi. O'sha mavsum amsterdamliklar sharafini himoya qilgan barcha futbolchilarning keyingi faoliyati muvaffaqiyatlarga boy bo'ldi. Jamoaga ustozlik qilgan Lui van Gaal esa Evropaning top-murabbiylari qatoriga kirdi.
Marhamat, “Ayaks-95” yulduzlarini yana bir bor esga olamiz.
Edvin Van der Sar
Keyinchalik “Yuventus” va “Manchester Yunayted” postini qo'riqlagan darvozabon bugungi kunda “Ayaks” klubi bosh direktori lavozimida faoliyat yuritmoqda.
Klarens Zeedorf
Keyinchalik “Real”, “Inter” va “Milan”da o'ynagan futbolchi 2014 yilda (hozircha) o'ta muvaffaqiyatsiz chiqayotgan murabbiylik faoliyatiga start bergandi. Klarens ayni damda ¬– ishsiz. U so'nggi bor Kamerun MTJni (2018-19) boshqargandi.
Frank Raykaard
Yuqorida eslaganimiz “Vena finali”dan keyin faroiyatini yakunlagan Raykard darhol murabbiylik faoliyatini boshlab yubordi. U Niderlandiya terma jamoasi (1998-2000), “Barselona” (2003-08) va Saudiya Arabistoni milliy jamoalarini (2011-13) boshqarishga ulgurgan.
Mikael Reyziger
“Milan” va “Barselona”da ham o'ynashga ulgurgan Reyziger ayni paytda “Ayaks” bosh murabbiyi Erik ten Xagning asistenti hisoblanadi.
Mark Overmars
Overmars “Arsenal” va “Barselona”da ham muvaffaqiyatli to'p tepgandi. U hozir “Ayaks”ning sport direktori hisoblanadi.
Yari Litmanen
“Barselona” va “Liverpul”da ham o'ynashga ulgurgan futbolchi faoliyatini yakunlagach, finlandiyadagi telekanallardan birida sport eksperti sifatida ishlay boshladi.
Patrik Klyuyvert
“Milan” va “Barsa”da o'ynadi. Ayni damda “Barselona” akademiyasini boshqaryapti. Patrikning farzandi Jastin Klyuyvert “Rim”ning “Roma”sida to'p tepayotganidan xabaringiz bor.
Nvankvo Kanu
“Ayaks”dan keyin “Inter” va “Arsenal”da o'ynagan futbolchi bugungi kunda Nigeriyaning “Sports TV” telekanalining xo'jayini hisoblanadi.
Finidi Jorj
O'sha tarkibda 7 raqamiga egalik qilgan Jorj “Ayaks”dan keyin 5 yil davomida “Betis” uchun to'p tepdi. Bugungi kunda Malorkada istiqomat qiladi.
Edgar Davids
Edgar Amsterdamdan ketib, “Inter”, “Milan” va “Yuventus” klublarida o'ynashga ulgurgan kam sonli futbolchilardan biriga aylandi.
Vinston Bogard
“Milan”, “Barselona” va “CHelsi”da ham faoliyat olib bordi. Ayni paytda “Ayaks”ning yoshlar jamoasini shug'ullantiradi.
Danni Blind
O'sha jamoaning sardori hisoblangan Danni (Deyli Blindning otasi) faoliyatini “Ayaks”da yakunladi. Niderlandiya terma jamoasi va “Ayaks”da murabbiy sifatida ishlash baxtiga ham sazovor bo'lgan.
Frank va Ronald De Bur
Aka-ukalar “Barselona”da ham birga o'ynadi. Faoliyatini yakunlagach, Frank bir muddat “Ayaks”ni boshqargan bo'lsa, Ronald klubning yoshlar jamoasida ishladi.
Lui Van Gaal
Yuqorida takidlanganidek, Van Gaal top darajaga chiqdi va “Barselona”, “Bavariya”, MYU, Niderlandiya terma jamoasida ishladi.
Faxriddin Ro'ziev tayyorladi
Fikrlar