Asror G'ofurov: “Men uchun O'zbekistonga qaytish vaqti kelgandi”
07 dek 2019 15:45
Yangiliklar
![](https://championat.asia/upload/storage/532899_original.jpg)
![](/upload/storage/532899_220.jpg)
Asror G'ofurov: “Men uchun O'zbekistonga qaytish vaqti kelgandi”
Birinchi davrani andijonliklar safida o'tkazgan yarim himoyachi, ikkinchi davrada “Surxon” jamoasi safiga kelib qo'shildi. Malumot o'rnida aytish joizki bugungi suhbatdoshimiz Superligada debyut mavsumini o'tkazdi.
- Uzoq muddatdan so'ng milliy chempionatimizga qaytdingiz. Umuman olganda o'zingizni debyut mavsumingizni o'tkazdingiz. Dastlabki taasurotlar qanday bo'ldi?
- Avvalambor, o'z yurtimga qaytib Superligada to'p tepganimdan xursandman. Taasurotlar alo.
- Hozirgacha bo'lgan faoliyatingizni ikki qismga, yani turk va o'zbek futboliga bo'ladigan bo'lsak, siz uchun qay biri ahamiyatliroq?
- Menimcha ikkiga ajratish noto'g'ri bo'lsa kerak. Futbolchi sifatida O'zbekistonda ulg'aydim, ilk qadamlarimni tashladim. Legionerga aylanish taqdirimda bor ekan, xorijda ham munosib to'p tepishga harakat qildim. Besh yilga yaqin vaqt mobaynida birinchi va to'rtinchi dvizion jamoalarida harakat qildim. Ilk turlarda biroz hayajonlanganim rost. Bu tabiiy holat. Termiz klubiga o'tganimdan so'ng ancha moslashib oldim. Ichki chempionatimizdagi tajribali futbolchilar bilan elkama-elka to'p tepdim. Oybek Qilichev, SHavkat Salomov va Dilshod Rahmatullaev kabilardan ko'p narsa o'rgandim.
- Nima uchun aynan “Andijon” variantida to'xtadingiz? Yoki boshqa sabablar ham bormi?
- Turkiyadan vatanimga qaytish vaqti kelgandi. Bu borada “Andijon” men uchun birinchi tashlangan qadam bo'ldi.
- “Andijon”ning uzoq muddat quyi ligada yurgani ham, qaysidir manoda muvaffaqiyatsizliklarga tasir qildimi?
- Albatta. Birinchi davrada bu yaqqol bilindi. Tarkibdagi ko'p futbolchilar yangi edi, o'zaro chiqishib ketishlari uchun vaqt kerak bo'ldi. Lekin, ko'rdingiz jamoa ikkinchi davrada o'z yo'lini topib oldi, natijalar ijobiy ko'rinish oldi. Aleksandr Xomyakov yangi havo olib kira oldi. Mavsum avvalida katta maqsadlar qo'yildi. Kuchli oltilikka kirish vazifa etib belgilandi. Biroq, har doim ham futbolda siz istagan narsa ro'y beravermaydi.
- “Andijon” varianti ortga tashlangan qadam emasmidi? O'zingizni nisbatan kuchliroq ligalarda sinab ko'rishingiz mumkinmidi? Bu borada variantlarga egamidingiz?
- Albatta! Ammo menga “Andijon” varianti juda maqul kelgandi. Bolaligimdan vodiy jamoalarida to'p surishni orzu qilganman. Niyatimga etdim. Har narsaning o'z vaqti bor. “Andijon” va “Surxon” ortga tashlangan qadam emas, deb o'ylayman.
Abdulaziz Iskandarov suhbatlashdi.
O’xshash yangiliklar
![AMP Logo](https://championat.asia/image/logo-amp.png)
Fikrlar