Artur Gevorkyan oliy ligada ikkinchi bor qizil kartochka oldi
16 apr 2016 08:55
Yangiliklar

Artur Gevorkyan oliy ligada ikkinchi bor qizil kartochka oldi

"Nasaf" klubi yarim himoyachisi Artur Gevorkyan kecha "Qo'qon-1912"ga qarshi o'yinda qizil kartochka olib maydonni tark etdi.

Turkmanistonlik yarim himoyachi 16 va 24-daqiqalarda sariq kartochka olib barvaqt echinish xonasiga yo'l oldi.

SHunday qilib, Gevorkyan ikkinchi marta oliy ligada qizil kartochka oldi. 2010 yil 2 may sanasida "Paxtakor" klubi "Xorazm" mehmoni bo'lganida bosh hakam Sulton Zaylobiddinov mehmonlar vakili Artur Gevorkyanga 23 va 35-daqiqalarda sariq kartochkalar ko'rsatib maydondan chetlatgan edi. Deyarli 6 yil o'tib futbolchi yana qizil kartochka oldi.

Artur Gevorkyan 2006 yildan buyon O'zbekiston chempionatida faoliyat olib bormoqda. Futbolchi "Nasaf"dan oldin "SHo'rtan" va "Paxtakor" klublarida to'p tepgan. Gevorkyan oliy ligada 240dan ortiq o'yin o'tkazgan.

Havola :

Manba : championat.asia

Yangiliklarni Telegramda o'qing!

Reyting: +6