AQSH - Portugaliya 2:2. MATNLI TRANSLYACIYA

JCH-2014. “G” guruhi. 2-tur

AQSH - PORTUGALIYA 2:2
Manaus. “Amazoniya” stadioni.
Bosh hakam: Nestor Pitana (Argentina)

Gollar: Nani (5), Jons (64), Dempsi (81), Varela (90)

AQSH: Xovard, Bredli, Besler, Bisli, Dempsi (Vondolovski, 88), Bedoya (Yedlin, 72), Jons, Bekerman, Zusi (Gonzales, 90), Kamerun, Jonson.

Portugaliya: Beto, Bruno Alvesh, Velozo, Ronaldo, Moutino, Kosta, Meyrelesh (Varela, 69), Nani, Almeyda (Karvalo, 46), Pereyra, Poshtiga (Eder, 16).

Ogohlantirish: Jons (76)

                               MATNLI TRANSLYACIYA
                                           YANGILASH



UCHRASHUV TUGADI!

90+5` GOOOOOOOOOOOOOOOOOOOOOOOOOOOOOOL! VARELA! Ronaldoning ajoyib pasi va Varela boshi bilan hisobni tenglashtirmoqda! QOYIL!

90+3` Krishtiano Roanldoning bosh bilan bergan zarbasi yana noaniq.

90` Uchrashuvning ikkinchi bo'limiga 5 daqiqa vaqt qo'shib berildi.

89` Ronaldoning boshi bilan yo'llagan zarbasi noaniq.

88` Dempsi o'rniga Vondolovski tushdi.

87` Portugaliyaning bir yo'la besh nafar futbolchisi o'yindan tashqari holatda qolib ketmoqda. Ronaldo ranjimoqda.

85` Portugaliya shoshmoqda. Lekin to'p AQSHda.

83` Portugaliya hozir mag'lubiyatga uchrasa, unda Ispaniya va Angliya singari mundialni muddatidan oldin tark etishiga to'g'ri keladi.

81` GOOOOOOOOOOOOOOOOOOOOOOOOOOL! DEMPSI!!!!!! Klinst Dempsi "QORIN" bilan Beto darvozasini ishg'ol etmoqda!

80` Portugaliya hujumga intilmoqda. Nanining yo'llagan zarbasi darvozaga bormadi.

76` AQSH tarkibidagi gol muallifi Jons qo'pol o'ynadi va ogohlantirish oldi.

75` Bizni juda qiziqarli o'tishi kutilayotgan 15 daqiqalik futbol-shousi kutmoqda.

74` Bu vaqtga kelib, Toshkentda tong otmoqda. Fidoiy futbol muxlislari esa haliyam futbol ko'rish bilan bandlar.

72` AQSH tarkibida ilk o'zgarish. Bedoya o'rniga Yerlin tushdi.

70` Raul Meyrelesh o'rniga Varela maydonga tushdi.

68` Laynsmenning "anti-radari" ishlab ketdi. Offsayd.

66` MEYRELESH!!! TIM XOVARD!!!!!!!!! Portugaliya tezda hujumga o'tdi. Meyreleshning yaqin masofadan yo'llagan zarbasini Tim Xovard bartaraf eta oldi, TASANNO!

64` GOOOOOOOOOOOOOOOOOOOL! JONS! CHIROYLI GOL! SUPER GOL! Jermeyn Jons chamasi 22 metrlar masofadan turib darvoza tomon zarba yo'lladi. Ushbu chiroyli zarbani Beto ham faqatgina tomosha qilib qoldi.

62` Haaaaa, Ronaldodek futbolchilar ham shunday noaniq zarbalar berib turishadi.

60` AQSH tarkibidagi o'ng qanot himoyachisi Jonsonning o'yinlari olqishlarga sazovor. Ushbu futbolchini yozda biror bir top klub safiga ko'rib qolsak ajab emas. Tezkor, faol, epchil, kuchli zarba sohibi. Umuman zamonaviy qanot himoyachisi uchun kerakli bo'lgan barcha narsa jamlangan ushbu futbolchida.

56` VAZIYAT! IMKONIYAT! AQSH! BREDLI! KOSHTA! TASANNO! QOYIL! GAP YO'Q! AQSHning hujumi ancha rivoj oldi va qanotdan uzatilgan to'pga birinchi bo'lib etib kelgan Bredlining zarbasini Portugaliya himoyachisi Rikardu Koshta jonbozlik ko'rsatib bartaraf etib qoldi. Deyarli bo'sh darvoza edi. Koshtaga tasanno!

55` Hozircha Portugaliya tarkibida ogohlantirish olgan futbolchilar yo'q. Pepe yo'q, ogohlantirishlar ham yo'q.

53` AQSHning tezkor qarshi hujumni tashkil etish rejasi amalga oshmadi.

51` Ederning navbatdagi zarbasi biroz noaniq ketdi.

50` AQSHning xavfli hujumi! Beto! Portugaliya posboni jamoasini goldan qutqarib qoldi.

49` Eder hozir chiroyli tarzda darvozani ishg'ol etmoqchi bo'ldi. Lekin uning zarbass biroz o'xshamadi.

47` Portugaliya futbolchilari shoshilmasdan to'pni o'z nazoratlarida ushlab turishibdi.

Portugaliya tarkibida o'zgarish. Almeyda o'rniga Karvalo tushdi.

46` Ikkinchi bo'lim boshlandi!

Uxlab qolish yo'q, bizni ikkinchi bo'limda qiziqarli futbol kutmoqda. Ungacha esa tomoqni xo'llab olish va u-bu narsani paqqos tushirib olish imkoniyatingiz bor:-)

BIRINCHI BO'LIM TUGADI! TANAFFUS!

45` Nanining zarbasidan so'ng Xovard xatoga yo'l qo'ydi va qaytgan to'pni tepgan Ederning zarbasini esa mohirlik bilan qaytardi. O'z xatosini o'zi to'g'irladi Tim Xovard.

44` Ronaldoning jarima to'pidan tepgan zarbasi umuman "o'xshamadi".

43` Ronaldo uchun imkoniyat! Xavfli nuqtadan jarima zarbasi.

42` Nanining zarbasini Tim Xovard qaytarib yubormoqda!

41` Manausda havo issiq! SHu bois uchrashuv bosh hakami "taym-aut" elon qildi. Tomog'ni xo'llab olishdi va endi o'yin davom ettiriladi.

39` Bredli va Jonson AQSH tarkibida boshqalardan yaqqol ajralib turibdi. Bu ikkala futbolchiningfaolligi evaziga AQSHning hujumlari rivoj olmoqda.

37` Krishtiano Ronaldoning ilk zarbasini Tim Xovard bartaraf etdi.

35` Jons tomonidan yo'naltirilgan zarbani Beto ushlab oldi.

Bu ikkala sardorlar maydonda o'z faolliklari bilan ajralib turishibdi

32` Jonsondan navbatdagi xavfli yurish! Bu futbolchi hozircha maydondagi erng faollardan biri bo'lib turibdi. U tomonidan berilgan zarbaga birozgina aniqlik etishmadi, yo'qsa hisob tenglashishi mumkin edi.

30` Bredlining kuchsiz, ammo xavfli ko'rinish olgan zarbasi ko'pchilikni "uhhh" deyishga majburladi.

29` AQSH navbatdagi burchak to'pini amalga oshirdi. Lekin portugaliyalik himoyachilar hammasini o'z vaqtida bajarishmoqda.

27` Bugun hamma xotinidan ("shef") qo'rmaydiganlar futbol ko'ryaptimi-a?

25` AQSH Portugaliya himoyasini biroz mehnat qilishga majburlayapti.

Mikrafon Ronaldo qo'lida qaramasdan, hozircha "kun ijrochisi" - Nani

20` Portugaliya o'yin tizginin yana o'z qo'liga olmoqda. Krishtiano Ronaldo bugun "mikrafon"ni o'z qo'liga olvogan va barcha qo'shiqlarni o'zi kuylamoqchi. Hozircha Ronaldo faol.

18` AQSH hujumlarni davom ettirmoqda. Bredli yaxshi vaziyatga ega bo'lgandi. Lekin foydalana olmadi.

17` Portugaliyani jarohatlar ketma-ketligini tark etmayapti. Birinchi turda Germaniyaga qarshi bahsda ham ikkita majburiy o'zgartirish kuzatilgandi.

16` Afsuski Portugaliyada majburiy o'zgarish. Elder Poshtigani jarohati bezovta qildi va u o'yinni davom ettira olmaydigan bo'ldi. Uning o'rniga qolgan daqiqalarda Eder harakat qiladi.

15` AQSH tashabbusni o'z qo'liga ola bilmoqda. Bu vaziyatga kelib Meyrelesh jarohat olib maydonda yotibdi.

13` UHHHHHHHHHH! Dempsi ajoyib tarzda jarima zarbasini amalga oshirdi. BIROZGINA noaniq. XAVFLI!

12` Jonson ancha faol. AQSH himoyachisi jamoasi foydasiga jarima zarbasi ishlab oldi. Xavfli bo'lishi mumkin.

11` AQSH sekin-asta o'z oldinga qarab yurish qilmoqda.

10` AQSHning ilk hujumi. O'ng qanotdan qanot himoyachisi Jonson yorib kirdi va darvozaga arba berdi. To'p himoyachiga tegib maydonni tark etdi. Burchak to'pi.

8` Portugaliya o'yinni ancha kuchli va omadli boshladi. Nani, Almeyda va Ronaldoning faolligi portugallarni ijobiy harakatiga zamin yaratmoqda.

7` AQSH hozircha hech qanday chora topa olmayapti. Ular himoyalanish bilan bandlar.

6` Portugaliyaning hujumlari davom etmoqda. Bosim yuqori.

5` GOOOOOOOOOOOOOOOOOOOOOOOOOOOOL! NANI! Portugaliyaning hujumi uzilib qolgandek bo'lgandi. AQSH himoyachisi Bisli to'pni jarima maydonchasi oldidan uzoqlashtirishga xatoga yo'l qo'ydi va to'p shundoq Naniga kelib tushdi. Nani esa Xovard bir harakatda aldab, to'pni darvoza joylab qo'ydi.

5` KRISHTIANO RANALDO! Uning harakatlariga hozir qarsak chalish kerak. CHiroyli harakatlar va kuchli driblingi bilan bir necha futbolchilarni aldab o'tdi! Qoyil!

4` Portugaliya ko'proq to'p bilan muomalada bo'lmoqda. Bu kutilgan holat. AQSH asosan himoyaviy o'yin ko'rsatib, qarshi hujumlarga tayanib harakat qiladi.

2` Portugaliyaning ilk hujumi amalda hech narsasiz yakunlandi.

1` UCHRASHUV BOSHLANDI! Har ikkala jamoaga ham omad tilagan holda, chiroyli va mazmunli o'yin kutib qolamiz! Boshladik...

Mazza qilib reklama ko'rayotgan paytimizda, shartta futbolchilarni madhiya kuylayotganiga o'tib ketishadimiyey...

Har ikkala davlat madhiyalar jarang solmoqda.

Bugun Krishtiano Ronaldo jamoasi faqat va faqat g'alaba uchun maydonga tushishga majburlar. Aks holda ular guruh bosqichidan so'ng, Angliya, Ispaniya kabi jamoalar ortidan o'z yurtlariga qaytib kelishlariga to'g'ri keladi. AQSH uchun ham bugun g'alaba suv va havodek zarur. Agar ular bugun g'alaba qozona olishsa, muddatidan avval keyingi bosqich yo'llanmasini hal etishadi.

Jamoalar maydonga chiqib kelishmoqda.

Assalomu aleykum qadrli futbol ishqibozlari va tungi bedorlar! Yana sanoqli daqiqalardan so'ng AQSH va Portugaliya o'rtasidagi qiziqarli bahs guvohiga aylanamiz!
Ushbu bellashuvni Sizga SHahboz Beg'amov matnli onlayn tarzida taqdim etadi!

- O'yin soat 03:00da boshlanadi.