APL. CHempionlik poygasi: “Liverpul”

Avvalo, chempionlik uchun asosiy davogar bo'lib turgan “Liverpul”dan boshlaymiz.



“Liverpul” (34 o'yindan keyin, 77 ochkoga ega)

Qolgan turlardagi raqiblari: “Norvich” (safarada), “CHelsi” (uyda), “Kristal Pelas” (safarda), “Nyukasl” (uyda)
Mavsum qanday yakunlanishidan qatiy nazar “Liverpul” uni muvaffaqiyatli o'tdi deb hisoblashi mumkin. Ko'pchilik mutaxassis va bukmeykerlarning taxminini chippakka chiqargan holda jamoa CHempionlar Ligasiga qaytdi. Ammo, bilamizki, ishtaha ovqat vaqti keladi. Endi “qizillar” mamlakat chempioni degan nom uchun eng asosiy davogar bo'lib turishibdi va 24 yildan buyon chempionlikni qo'lga kiritmagan klubning shoxsupaga qaytishi to'laligicha Brenden Rojers jamoasining o'z qo'lida. 

Qishda Joze Mourino “Liverpul”ni chempionlik poygasida favorit deb ataganida, hatto liverpullik muxlislarning o'zlari ham kulishgandi. Bu Mourinoning yana bir chiqishi sifatida qabul qilingandi, xolos. Biroq, malum bo'ldiki, Joze haq bo'lgan ekan. Evrokuboklarda ishtirok etmagani evaziga mersisaydliklar har bir o'yinda kuchga to'lgan, tetik holda etib kelaverishdi va Premer-ligadagi eng jozibali futbolni namoyish etib berdi. Bugungi kunga kelib, ketma-ket mag'lubiyatsiz o'yinlari soni 10taga etdi. Urgan gollari soni esa yuzga yaqinlashyapti.



Qolgan o'yinlar orasidan eng muhimi qaysi biri ekanini aniqlash uchun taqvimga uzoq tikilish shart emas. “Manchester Siti”ning kecha “Sanderlend”ga qarshi o'yinda ochko yo'qotganini hisobga olib, “Liverpul” qolgan o'yinlarning yana birini dkrang bilan yakulasa ham qolgan o'yinlardagi g'alaba shoxsupani o'ziniki qilishga etarli bo'lishini takidlash mumkin. SHunday ekan qolgan o'yinlar ichidagi eng muhimi – “CHelsi”ga qarshi o'yinda, o'z maydonida mag'lub bo'lmaslikning o'zi kifoya qiladi Jerard va uning jamoadoshlariga.

Psixologik jig'atdan ham “Liverpul” hammadan ustunroq. Jamoaviy ruhiyatga bu erda, buyuk Stiven Jerrard javob beradi va hozirgacha u o'z ishini yaxshi eplab kelyapti. Biroq bu mavsum muxlislarni syurprizlarga o'rgatib qo'ydi. Yaqinlashib kelayotgan dam olish kunlarida jamoani chempionat elitasida jon saqlash uchun harakat qilayotgan “Norvich” maydoniga safar kutyapti. Luis Suares “Kerrou Roud”da uchtalab gollar urishga o'rganib qolgan va o'z ananasini buzish istagi yo'q. Ayniqsa chempionatning hozirgi – eng muhim pallasida.

Nil Adamsning “Norvichi” o'tgan turda “Fulxem”ga qarshi yaxshi o'yin o'tkazdi. Biroq uning mana shu yaxshi o'yini ham gol urish uchun etarli bo'lmadi.



O'z maydonidagi so'nggi o'yinda “Nyukasl”ga qarshi bellashadi va bu o'yin “Enfild” egalariga ortiqcha qiyinchilik tug'diradiganga o'xshamayapti. SHunday bo'lsa ham kerak. Axir “zaqizg'onlar”da hozir parokandalik... Lekin bu o'yingacha “qizillar” “Kristal Pelas” maydoniga safar qiladi. Toni Pyulis jamoasi esa bu mavsumda 40 ochkolik ko'rsatgichni qayd etib ulgurdi va aynan ular uelslik murabbiy kelganidan buyon bo'lgan davrda kam gol o'tkazib yuborish bo'yicha “CHelsi”dan keyingi ko'rsatkichni qayd etgan.

“Liverpul”ni mavsum finishida mana shunday kunlar kutib turibdi. Nima bo'lgan taqdirda ham ular chempionlik uchun eng asosiy davogardir va 16 yildan buyon APL medalini orzu qilayoigan Stivi Jiga shunday baxtni hadya etish uchun butun jamoa harakat qilishiga shubha yo'q.

P.S. Keyingi maqolalarda "CHelsi" hamda "Manchester Siti" to'xtalamiz.

Abror Qodirov tayyorladi