Andrey Kanchelskis: "Navbahor" qolgan 7ta o'yinda 21 ochko olmoqchi"
15 sen 2019 21:53
Yangiliklar
![](https://championat.asia/upload/storage/518401_original.jpg)
![](/upload/storage/518401_220.jpg)
Andrey Kanchelskis: "Navbahor" qolgan 7ta o'yinda 21 ochko olmoqchi"
"Paxtakor"ni g'alaba bilan tabriklayman, menimcha chempionlik bilan ham tabriklasak bo'laveradi. Albatta bugun ular g'alaba qozonishlarini xohlamagandik. Ammo alamli mag'lubiyatga uchradik. Birinchi davrada Toshkentda o'ynagan tarkibdan 5 nafari bugun o'ynay olmadi, bir futbolchini almashtirsa bo'ladi, ammo 5 nafar bu juda ko'p. SHunga qaramay yigitlarga rahmat aytaman, ular maydonda borlarini berishdi. "Paxtakor"dek zaxira o'rindig'i bizda yo'q.
Biz tushib qolgan vaziyatdan chiqib ketish uchun harakat qilamiz. Bugungi kunda tarkibimizdagi bir qator futbolchilar ham jismonan ham, ruhan tayyor emaslar.
Obid Jo'raboevda jarohat, Abbos G'ulomov uzoq muddatga safdan chiqqan, Azim Ahmedovda ham kichik jarohat bor edi. Muxlislar bugun "zamena, zamena" deb baqirishdi, ammo kimni maydonga tushirishim kerak edi?
"Navbahor"dan ketganimdan keyin ko'plab takliflar bo'ldi, ular qatorida O'zbekistondan ham taklif bor edi. Viloyat hokimi "Navbahor" uchun qayg'uradi. Eski ginalarni unutish va ishlash kerak.
Yil so'nggida "Navbahor"ning ko'plab futbolchilari bilan xayrlashamiz. Oldingi murabbiyning o'z qarashlari bor, mening o'z qarashlarim bor.
Oldinda 7ta o'yin bor, yigitlar bilan gaplashib oldik va o'z oldimizga bu o'yinlarda jami 21 ochko olishni maqsad qilib qo'ydik.
Bugun hakamlar tomonidan yo'l qo'yilgan juda qo'pol xatolarni ko'rganim yo'q. Masalan, "Andijon" bilan bahsdagi hakamlik juda yomon bo'lgandi. Bugun esa unday bo'lmadi va hakamga etirozim yo'q", - deydi Andrey Kanchelskis.
O’xshash yangiliklar
![AMP Logo](https://championat.asia/image/logo-amp.png)
Fikrlar