"Andijon"ga Beloshapka, Vizaver hamda G'afforov keldi

Jamoada yuz berayotgan o'zgarishlar bilan saytimiz orqali kun ora sizlarni xabardor etib bormoqdamiz.

Burgutlar safida kecha yana yangilar kelib qo'shildi. Bular Boris Beloshapka va Vitaliy Vizaverdir. Muxlislar yaxshi bilsa kerak, Beloshapka "Andijon" uchun begona emas. Sababi ilgari Boris Ivanovich futbolchilik davrida aynan "Andijon" darvozasini qo'riqlagandi. SHuningdek ukrainalik sobiq posbon faoliyati mobaynida "Qizilqum"da o'ynaganini aytib o'tish kerak. Uning o'sha davrlarda yurtimizga kelishiga esa aynan Sergey SHevchenko sabab bo'lgandi. SHevchenko va Beloshapka yo'llari endilikda yana "Andijon"da kesishmoqda. Faqat bu safar Boris Ivanovich jamoa murabbiylar shtabida ishlaydi.

"Andijon" bosh murabbiyi himoya chizig'ini kuchaytirish maqsadida o'zi yaxshi bilgan Vitaliy Vizaverni ham yangi jamoasiga taklif etdi. Bungacha Ukrainaning asosan birinchi va ikkinchi ligasida o'ynagan 35 yoshli futbolchi dushanba kuni klub lagerida paydo bo'ldi. "Avangard"ning sobiq o'yinchisiga aylangan Vizaver o'z vaqtida Rossiya birinchi divizionida ham to'p tepgan.

Bundan tashqari surxondaryolik Sayriddin G'afforov ham kuni-kecha Andijon yig'iniga kelib qo'shildi. O'z vaqtida SHo'rtan yoshlar jamoasida o'ynagan futbolchi oxirgi paytlarda faoliyatini Tojikiston chempionatida olib borayotgan edi. CHapaqay futbolchi o'zidan yaxshi taassurot qoldira olsa, ikkinchi davrada "Andijon" uchun o'ynaydi.  

SHuningdek yaqin kunlarda yana bir nechta futbolchilar tarkibga kelib qo'shilishi kutilmoqda.