Aleksandr Xomyakov: "Ehtimol, "Mashal" 1-o'rinni olar, ko'ramiz"
20 mar 2021 20:07
Yangiliklar

Aleksandr Xomyakov: "Ehtimol, "Mashal" 1-o'rinni olar, ko'ramiz"

Superliga 3-turidan o'rin egallagan "Mashal" – "Metallurg" (2:1) o'yinidan so'ng mezbonlar bosh murabbiyi Aleksandr Xomyakov o'z fikrlari bilan o'rtoqlashdi.

- O'yin haqida
- Avvalo, xalqimizni jamoamiz nomidan Navro'z ayyomi bilan tabriklayman. Oilaviy baxt, tinchlikxotirjamlik tilayman. Muxlislarni esa g'alaba bilan muborakbod etaman. Bugungi bahs oson kechmadi va omadimiz keldi. Mag'lub bo'lishimiz ham mumkin edi, biroq yakunda 3 ochkoga ega chiqdik.

- "Metallurg" gol urgan vaziyatda qoida buzish bor edi, deyishyapti. Bu borada nima deya olasiz?
- Hozir nimanidir izohlash qiyin va noto'g'ri. Keling, bu savolni ochiq qoldiramiz. Ushbu vaziyatni to'g'ri baholash qiyin.

- "Mashal" yakuniy turnir jadvalida qaysi pog'onadan joy oladi deb o'ylaysiz?
- Ehtimol, "Mashal" 1-o'rinni olar, ko'ramiz.

- Jamoa oldiga qanday vazifa qo'yilgan?
- Bu bo'yicha aniq vazifa belgilanmagan. Jamoaga kelganimga 2 hafta bo'ldi. Asosiy talab – har bir o'yinda g'alaba qozonish. Bunga astoydil harakat qilamiz.