Aleksandr Xomyakov: "Afsuski muxlislarimiz oldida yana mag'lub bo'ldik"

"Afsuski o'z maydonimizda yana g'alaba qozona olmadik. O'z muxlislarimizni xursand qila olmayapmiz. Juda xohlagandik. Ammo, raqib o'z imkoniyatlaridan foydalandi va ikkita gol urdi", - deb gap boshladi Aleksandr Xomyakov.

"O'z maydonimizda o'tgan dastlabki ikki o'yinda ochiq o'yin namoyish etgandik. "Bunyodkor"ga qarshi o'yinda birinchi raqamli jamoa sifatida o'ynab yutqazgandik. Bugun men shogirdlarimga qarshi hujumda o'ynash kerakligini aytdim. Biroq "Loko" tezkor gol urgach yana ochiq o'ynashga majbur bo'ldik. Raqib kuchli ekanligini bilardik. Istagan natijaga erisha olmadik".