Aleksandr Kolarov “Inter”ga o'tadigan bo'ldi

Italiyalik jurnalist Nikola Skira xabariga ko'ra, “Roma” va “Inter” Aleksandr Kolarov transferi yuzasidan kelishuvga erishgan. Milanliklar Kolarov transferi uchun “Roma”ga 1,5 mln evro to'laydi. Kolarovning o'zi “Inter” bilan 2022 yil yoziga qadar mo'ljallangan kelishuvga imzo chekadi. Uning yangi klubidagi yillik maoshi esa 3 mln evro bo'ladi.

Himoyachi “Roma”ga 2017 yilda “Manchester Siti”dan o'tgandi. U bu vaqt davomida 132 ta o'yinda maydonga tushib, 19 ta gol urdi va 20 ta golli uzatma berdi.