Akbar Ismatullaev: Osonlik bilan g'alaba qozonishimizni kutmagandik

Uchrashuvdan so'ng Ismatullaevning o'yin haqidagi fikrlari bilan qiziqdik: - Bugungi uchrashuvda o'zimizga kerakli bo'lgan natijani qo'lga kiritdik. Namanganda Navbahorga qarshi oldinlari bunday oson o'yin o'tkazmaganmiz. Doim qiyin bo'lardi. Bu safar esa bunday bo'lmadi.

Bundan kelib chiqqan holda Navbahorda qandaydir o'zgarishlarni amalga oshirish kerak deb o'ylayman. Vodiy klublariga qarshi hech qachon oson bo'lmagan. Lekin, Navbahordan bunday o'yin kutmagandik. Qolaversa, jamoamiz azolari ham hamjihatlikda to'p surganimiz samarasi o'laroq ham g'alaba qozondik. Oldinda bizni mavsumning muhim o'yinlaridan biri kutib turibdi.

Navbatdagi turda Lokomotiv bilan bahs olib boramiz. Maqsadimiz peshqadamga qarshi o'yinga ham munosib tarzda tayyorgarlik ko'rib, ijobiy natija qayd etishga harakat qilamiz.

"Navbahor" matbuot xizmati