Superliga-2018. Tomoshabinlar tashrifi kimda qancha?

Bu yilgi Superliga bellashuvlarini jami 1545623 muxlis bevosita o'yingohlarda tomosha qildi. (O'rtacha har bir o'yinga 8050 to'g'ri keladi).

Muxlislar to'plash borasida «Navbahor» jamoasi peshqadamlikni qo'lga kiritdi. Ushbu jamoa ishtirokidagi 32ta o'yinga jami 368375 tomoshabin keldi. «Paxtakor» 345819 ko'rsatkich bilan ikkinchi bo'ldi. «Buxoro» esa 329846 natija bilan uchinchi o'rinni band etdi. Jizzaxning «So'g'diyona» klubi ishtirokidagi o'yinlarga esa eng kam tomoshabin kelgan – 190242.

«Navbahor» o'z maydonida ham eng ko'p ishqiboz to'plagan jamoa bo'ldi. Namanganda o'tgan 16ta o'yinni jami 247117 tomoshabin kuzatdi. Bu har bir uchrashuvga o'rtacha 15444 tomoshabin keldi deganidir.

2018 yilgi O'zbekiston chempioni «Lokomotiv» bu borada eng past ko'rsatkichga ega bo'ldi. «Temiryo'lchilar»ning uy o'yinlariga jami 68231 muxlis keldi.

Safar o'yinlarida esa aksincha, «Lokomotiv»ning muxlisi eng ko'p - 183240. Etiborlisi safarda muxlis to'plash borasida keyingi o'rinlarni ham Toshkent klublari egallashgan: «Paxtakor» - 171526 va «Bunyodkor» - 171057.

Safarda «Qizilqum»ning muxlislari eng oz – 96472.