G'ayrat Jumaev: “Muxlislar ishonchi bizga kuch beradi”

-Oldinda bizni jiddiy raqib kutib turibdi, - deyli G'ayrat Jumaev. - Birinchi davrada Qo'qonda yirik hisobda g'alaba qozongandik. Ammo bu endi tarixdan joy oldi. Davralar oralig'ida “Qo'qon-1912” jamoasi sezilarli darajada o'z tarkibini kuchaytirganiga shubha yo'q. SHu bois, bugun Navoiyda muxlislar shiddatli o'yinga guvoh bo'lishsa ajabmas.  

Muxlislar jamoamizga katta ishonch bilan qarashmoqda. Bu o'yinda g'alaba har ikki jamoa uchun ham juda muhim. Asosiysi, jamoadoshlarimning o'yin oldidan kayfiyatlari alo darajada. Uchrashuvda ishqibozlarimizni xursand qilish uchun bor kuch va mahoratimizni ishga solishga tayyormiz. Stadionda tashrif buyuradigan muxlislarimizning qo'llab-quvvatlashi bizga kuch beradi, deb ishonaman.

“Qizilqum”  PFK Matbuot xizmati.