"Bavariya" "Robberi" xizmatiga tayanishi mumkin
31 jan 2019 17:35
Yangiliklar

"Bavariya" "Robberi" xizmatiga tayanishi mumkin

"Bavariya" jamoasi Bundesliga doirasidagi "Bayer"ga qarshi o'yinga jiddiy taraddud ko'rmoqda.

Niko Kovach qo'l ostida Korenten Tolissodan tashqari qolgan barcha futbolchilar umumiy guruh mashg'ulotlarida ishtirok etishmoqda.

Jarohatlangan Robben dushanbadan boshlab umumiy guruh bilan shug'ullanishni boshlagan. Riberi esa chorshanba kuni individual mashg'ulotlarni yakunlab, umumiy guruhga qo'shilgan. Faqatgina Korenten Tolisso yakka tartibda mashg'ulot o'tamoqda.

Niko Kovach "Bayer"ga qarshi o'yinda Robben va Riberini uchrashuv qaydnomasiga kiritishi mumkin. Katta ehtimol mazkur futbolchilar "Bayer" bilan bo'ladigan bahsda jamoaga yordam bera olishadi.

"SHtutgart"ga qarshi o'yin oldidan ham "Bavariya" ustozi Niko Kovach kelgusi bellashuvga qadar "Robberi" - Riberi va Robben safga qaytishiga umid bog'lagandi.

Eslatib o'tamiz, 2 fevral kuni Bundesliganing 20-turi doirasida "Bavariya" jamoasi Leverkuzenda "Bayer" mehmoniga aylanadi.

Malumot o'rnida, Niko Kovach boshqaruvidagi jamoa ayni paytda 42 ochko jamg'argan holda turnir jadvalining 2-pog'onasida bormoqda. Myunxenliklar peshqadam "Borussiya"dan 6 ochko ortda qolishmoqda.

Havola :

Manba : fcbayern.de

Yangiliklarni Telegramda o'qing!

Reyting: +6