A Seriya. "Yuventus" g'alabasiz seriyasiga nuqta qo'ydi!

CHempionatning 26-turida Turin klubi o'z maydonida "Frozinone" ustidan irodali g'alabani (3:2) qo'lga kiritdi. 

G'alaba to'pini 95-daqiqada himoyachi Daniele Rugani urishga muvaffaq bo'ldi.

Massimiliano Allegri boshchiligidagi jamoa bir oydan ko'proq vaqt g'alaba nimaligini bilmadi – 2 durang, 2 mag'lubiyat. Keyingi turda 3 mart kuni safarda "Napoli" bilan bellashuv kutib turibdi.

"Yuventus" 57 ochko bilan ikkinchi pog'onani egallab turibdi va etakchi "Inter"dan (2 o'yin zaxirasida bor) 6 ochko ortda qolmoqda va "Milan"dan (raqibning zaxirasida 1 ta o'yin bor) 5 ochko oldinda.