Рўзимов 1994 йил Хиросимада ўтган Осиё ўйинларида Ўзбекистон терма жамоаси билан ғалаба қозонган ва футболимиз тарихидан ўрин олган. Вафот этгунига қадар у "Пахтакор" футбол академиясида мураббий сифатида ишлаб келаётганди. Унинг хотирасига бағишланган ўйинда "Пахтакор" ва Ўзбекистон терма жамоаси фахрийлари майдонга тушишади.
Учрашув "Пахтакор" стадионида 28 ноябрь, сешанба куни 14:00да бошланади.
