Mazkur tur doirasida "Rubin" Moskvada SSKA mehmoni bo'ldi.
O'yinning 37-daqiqasida armiyachilar birinchi bo'lib to'p o'tkazib yuborishdi, ammo Nikola Vlashich 2 daqiqadan keyin muvozanatni tenglashtiruvchi golga mualliflik qildi. 92-daqiqada Qozon klubi yarim himoyachisi Denis Makarov uzoq masofadan yo'llagan zarba "Rubin"ga g'alaba keltirdi.
Shu tariqa SSKA ketma-ket 2-o'yinda mag'lub bo'ldi. O'tgan turda Viktor Goncharenko shogirdlari "Zenit"ga (1:2) xuddi shunday hisobda imkoniyatni boy bergandi. "Rubin" esa bugun mavsumdagi ilk g'alabasini tantana qildi.
Moskva klubi ayni paytda 6 ochko bilan musobaqa jadvalining 6-pog'onasiga joylashgan bo'lsa, "Rubin" 11-o'ringa ko'tarilib oldi (4 ball).
SSKA – Rubin 1:2
22 avgust, 22.00, VEB Arena
Gollar:
0:1 – 37 Bakaev, 1:1 – 39 Vlashich, 1:2 – 90 Makarov.
SSKA – Akinfeev, Fernandes, Vasin, Diveev, Magnusson, Maradishvili, Oblyakov (Bistrovich, 84), Sigurdsson (Kuchaev, 70), Vlashich (Tiknizyan, 85), SHHennikov, Shkurin (Gaych, 70).
Rubin – Dyupin, Starfelt, Merkulov, Uremovich, Shatov (Xvan In Bom, 79), Zuev (Samoshnikov, 77), Kvaratsxeliya, Evtich, Bakaev (Makarov, 62), Abilgor, Ignatev (Despotovich, 62).
Ogohlantirishlar:
Vlashich (9), Sigurdsson (17), Zuev (32), Uremovich (51), Shatov (75), Kvaratsxeliya (80).
