Garay "DAZN" efirida Krishtianu Ronaldu eng yaxshi sherigimi, degan savolga kutilmagan javob qaytardi.
"Yo'q. Birinchi raqam - Leo, ikkinchisi esa shubhasiz Krishtianu. Ular ikki xil futbolchi, lekin Messi meni ko'proq hayratda qoldirgan. Ikkisi bilan ham bir jamoada o'ynash baxtiga muyassar bo'lganman, ammo Leo - bu umuman boshqa daraja.
Krishtianu esa haqiqiy yulduz. U doim ertalab soat 06:00 da birinchi bo'lib keladi va mashg'ulotlardan eng oxirida ketadi. Doim eng yaxshi sport formasida bo'lish uchun rejimiga va jismoniy holatiga juda qattiq e'tibor beradi", - dedi Garay.
Eslatib o'tamiz, Garay Madrid klubida Ronaldu bilan, Argentina milliy terma jamoasida esa Messi bilan birga harakat qilgan.
