Гарай "DAZN" эфирида Криштиану Роналду энг яхши шеригими, деган саволга кутилмаган жавоб қайтарди.
"Йўқ. Биринчи рақам — Лео, иккинчиси эса шубҳасиз Криштиану. Улар икки хил футболчи, лекин Месси мени кўпроқ ҳайратда қолдирган. Иккиси билан ҳам бир жамоада ўйнаш бахтига муяссар бўлганман, аммо Лео — бу умуман бошқа даража.
Криштиану эса ҳақиқий юлдуз. У доим эрталаб соат 06:00 да биринчи бўлиб келади ва машғулотлардан энг охирида кетади. Доим энг яхши спорт формасида бўлиш учун режимига ва жисмоний ҳолатига жуда қаттиқ эътибор беради", — деди Гарай.
Эслатиб ўтамиз, Гарай Мадрид клубида Роналду билан, Аргентина миллий терма жамоасида эса Месси билан бирга ҳаракат қилган.
