Fransiyaning PSJ klubi himoyachisi Serxio Ramos jamoadoshi Lionel Messini futbol tarixidagi eng yaxshi futbolchi deb hisoblaydi.
"Bir necha yil davomida Messiga qarshi o'ynashda qiyinchilikka duch kelganman. Endi u bilan birga o'ynashdan zavq olyapman. U futbol yaratgan eng yaxshi futbolchi", – dedi Ramos.
35 yoshli argentinalik futbolchi 2021 yil avgustidan beri PSJ safida to'p tepyapti. Joriy mavsumda u francuz klubi safida 23 ta o'yinda qatnashib, 14 ta gol urdi va 14 ta golga assistentlik qildi.
